पुणे: शहरासह जिल्ह्यात तीन लाख ३३ हजार जणांना प्रधानमंत्री जन आरोग्य योजनेचे ओळखपत्र वाटप

हेही वाचा >>>पुण्याला वाढीव पाणी मिळणार का?;पुणे महापालिकेची २० टीएमसी पाण्याची मागणी

आयुष्मान भारत योजना किंवा प्रधान मंत्री जन आरोग्य योजना किंवा राष्ट्रीय आरोग्य संरक्षण योजना ही एक केंद्र सरकार पुरस्कृत योजना आहे, जी आरोग्य व कुटुंब कल्याण मंत्रालयाच्या आयुष्मान भारत मिशन अंतर्गत २०१८ मध्ये सुरू करण्यात आली. आयुष्मान भारत योजनेत केंद्र सरकारकडून गरजू कुटुंबांना आरोग्य विमा उपलब्ध करून देण्यात येतो. प्रधानमंत्री जन आरोग्य योजनेंतर्गत आयुष्यमान भारत योजना देशभरात चालवली जात आहे.
पुणे महानगरपालिका क्षेत्रात एक लाख १३ हजार २७३ ओळखपत्रांचे वाटप करण्यात आहे. पिंपरी-चिंचवड महापालिका क्षेत्रात ४७ हजार ९५७, दौंड नगरपरिषद क्षेत्रात २४९९, बारामती नगरपरिषद क्षेत्रात २१७०, तळेगाव-दाभाडे ५३२०, जुन्नर १७४४, पुणे कटक मंडळात (कॅन्टोन्मेंट) १५३५, शिरूर नगरपरिषद क्षेत्रात २८२५, जेजुरी नगरपरिषद क्षेत्रात ११८३, सासवड ११७७, भोर ११५१, इंदापूर ९५१, देहू रोड कटक मंडळात ९०६ आणि आळंदी नगरपरिषद क्षेत्रात ८५० ओळखपत्रांचे वाटप प्रशासनाकडून करण्यात आले आहे. अशाप्रकारे पुणे, पिंपरी-चिंचवड महापालिकांसह नगरपरिषद क्षेत्रांत दोन लाख ७२ हजार ६०७ कुटुंबांपैकी एक लाख ८३ हजार ५४१ कुटुंबांना ओळखपत्रे देण्यात आली आहेत.

हेही वाचा >>>पुणे: तुम्हाला डेटिंगसाठी मुलगी हवी आहे का? फोन करत ७९ वर्षीय व्यक्तीची तब्बल १७ लाखांची फसवणूक

दरम्यान, ग्रामीण भागात आंबेगाव तालुक्यात १३ हजार ६०६, बारामती तालुक्यात २० हजार ७२७, भोर ४४६३, दौंड १८ हजार १५२, इंदापूर १५ हजार ३१३, जुन्नर २० हजार ७७९, खेड ७६२६, मावळात ९४८३, मुळशीत २१०२, पुरंदर ७३३९, शिरूरमध्ये ९५९८ आणि वेल्हे तालुक्यात १९७३ असे एकूण एक लाख ७९ हजार ३९५ कुटुंबांपैकी एक लाख ५० हजार १२९ कुटुंबांना ओळखपत्र देण्यात आल्याचे जिल्हा प्रशासनाकडून सांगण्यात आले. शहरासह जिल्ह्यात एकूण तीन लाख ३३ हजार ६७० ओळखपत्रांचे वाटप करण्यात आले आहे.