पुणे : नागरिकत्वाचा पुरावा आणि महत्त्वाचा सरकारी दस्तावेज म्हणून ज्ञात असलेल्या पारपत्राची मागणी दिवसेंदिवस वाढत आहे. त्याचाच परिणाम म्हणून पुणे क्षेत्रीय पारपत्र कार्यालयाकडून २०२२ मध्ये तब्बल तीन लाख ४४ हजार ४४७ पारपत्रे देण्यात आली आहेत. ही संख्या २०२१ च्या तुलनेत तब्बल एक लाख १३ हजार १०१ ने अधिक आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
पुणे क्षेत्रीय पारपत्र कार्यालयाकडून याबाबत माहिती देण्यात आली आहे. २०२१ मध्ये पुणे क्षेत्रीय कार्यालयाकडून दोन लाख ३१ हजार ३४६ पारपत्र देण्यात आले. यंदा त्यात एक लाख १३ हजार १०१ पारपत्रांची भर पडली आहे. २०२१ मध्ये ६७३५ पोलीस पडताळणी प्रमाणपत्रे (पोलीस व्हेरिफिकेशन सर्टिफिकेट) देण्यात आली. २०२२ मध्ये ही संख्या १२,८५६ वर जाऊन पोहोचली. पारपत्र काढण्यासाठी तातडीचे कारण नसल्यास नियमित अर्ज प्रक्रियेतून पारपत्रासाठी अर्ज करावा. कागदपत्रे पुरेशी आणि निर्दोष असल्यास पारपत्र मिळण्यास कोणत्याही अडचणी येत नाहीत, असे पारपत्र कार्यालयाकडून स्पष्ट करण्यात आले आहे.
हेही वाचा – पुणे : एक लाख रुग्णांचे वाचले प्राण! १०८ रुग्णवाहिका सेवेचा नागरिकांना लाभ
पुणे क्षेत्रीय पारपत्र कार्यालयाचे क्षेत्रीय पारपत्र अधिकारी डॉ. अर्जुन देवरे म्हणाले, करोना साथरोगाच्या काळात नागरिकांच्या प्रवास आणि पर्यटनावरही काहीसे निर्बंध होते. ते दूर झाल्यानंतर २०२२ मध्ये पारपत्रासाठी असलेल्या मागणीत वाढ झालेली पाहायला मिळाली. पारपत्राचे दस्तऐवज म्हणून असलेले महत्त्व ओळखून आपल्याकडे पारपत्र असावे या भावनेतून त्यासाठी अर्ज करणारे नागरिकही आहेत. अचूक आणि मूळ कागदपत्रे दिली असता पारपत्र मिळणे अजिबात अवघड नाही, त्यामुळेही पारपत्र काढण्याचे प्रमाण वाढत असल्याचे निरीक्षण डॉ. देवरे यांनी नोंदवले.
पारपत्र काढणे खर्चिक नाही
पारपत्र काढणे ही प्रक्रिया अवघड आहे, या गैरसमजातून अनेक नागरिक पारपत्र काढण्यासाठी दलालांची मदत घेतात. माणशी शुल्क आकारून हे दलाल मोठी रक्कम आकारतात. मात्र, कागदपत्रांमध्ये त्रुटी नसल्यास पारपत्र काढणे ही प्रक्रिया अत्यंत सोपी आहे. त्यामुळे दलालांमार्फत अर्ज करून पैसे आणि वेळ वाया घालवणे अनावश्यक आहे, असे आवाहन डॉ. अर्जुन देवरे यांनी केले आहे.
पारपत्र कार्यालयाची व्याप्ती
पारपत्र काढण्यासाठी https://www.passportindia.gov.in/ या अधिकृत संकेतस्थळावरून अर्ज करणे शक्य आहे. पुणे क्षेत्रीय कार्यालयाचे मुख्यालय बाणेर येथे आहे. मुंढवा आणि सोलापूर येथे पारपत्र सेवा केंद्र आहेत. कोल्हापूर, अहमदनगर, बारामती, बीड, इचलकरंजी, जालना, लातूर, माढा, नांदेड, उस्मानाबाद, पंढरपूर, परभणी, पिंपरी-चिंचवड, सांगली, सातारा, शिरुर, श्रीरामपूर येथील १७ टपाल कार्यालयांमध्ये पोस्ट ऑफिस पारपत्र सेवा केंद्राची सुविधाही उपलब्ध करून देण्यात आली आहे.
पुणे क्षेत्रीय पारपत्र कार्यालयाकडून याबाबत माहिती देण्यात आली आहे. २०२१ मध्ये पुणे क्षेत्रीय कार्यालयाकडून दोन लाख ३१ हजार ३४६ पारपत्र देण्यात आले. यंदा त्यात एक लाख १३ हजार १०१ पारपत्रांची भर पडली आहे. २०२१ मध्ये ६७३५ पोलीस पडताळणी प्रमाणपत्रे (पोलीस व्हेरिफिकेशन सर्टिफिकेट) देण्यात आली. २०२२ मध्ये ही संख्या १२,८५६ वर जाऊन पोहोचली. पारपत्र काढण्यासाठी तातडीचे कारण नसल्यास नियमित अर्ज प्रक्रियेतून पारपत्रासाठी अर्ज करावा. कागदपत्रे पुरेशी आणि निर्दोष असल्यास पारपत्र मिळण्यास कोणत्याही अडचणी येत नाहीत, असे पारपत्र कार्यालयाकडून स्पष्ट करण्यात आले आहे.
हेही वाचा – पुणे : एक लाख रुग्णांचे वाचले प्राण! १०८ रुग्णवाहिका सेवेचा नागरिकांना लाभ
पुणे क्षेत्रीय पारपत्र कार्यालयाचे क्षेत्रीय पारपत्र अधिकारी डॉ. अर्जुन देवरे म्हणाले, करोना साथरोगाच्या काळात नागरिकांच्या प्रवास आणि पर्यटनावरही काहीसे निर्बंध होते. ते दूर झाल्यानंतर २०२२ मध्ये पारपत्रासाठी असलेल्या मागणीत वाढ झालेली पाहायला मिळाली. पारपत्राचे दस्तऐवज म्हणून असलेले महत्त्व ओळखून आपल्याकडे पारपत्र असावे या भावनेतून त्यासाठी अर्ज करणारे नागरिकही आहेत. अचूक आणि मूळ कागदपत्रे दिली असता पारपत्र मिळणे अजिबात अवघड नाही, त्यामुळेही पारपत्र काढण्याचे प्रमाण वाढत असल्याचे निरीक्षण डॉ. देवरे यांनी नोंदवले.
पारपत्र काढणे खर्चिक नाही
पारपत्र काढणे ही प्रक्रिया अवघड आहे, या गैरसमजातून अनेक नागरिक पारपत्र काढण्यासाठी दलालांची मदत घेतात. माणशी शुल्क आकारून हे दलाल मोठी रक्कम आकारतात. मात्र, कागदपत्रांमध्ये त्रुटी नसल्यास पारपत्र काढणे ही प्रक्रिया अत्यंत सोपी आहे. त्यामुळे दलालांमार्फत अर्ज करून पैसे आणि वेळ वाया घालवणे अनावश्यक आहे, असे आवाहन डॉ. अर्जुन देवरे यांनी केले आहे.
पारपत्र कार्यालयाची व्याप्ती
पारपत्र काढण्यासाठी https://www.passportindia.gov.in/ या अधिकृत संकेतस्थळावरून अर्ज करणे शक्य आहे. पुणे क्षेत्रीय कार्यालयाचे मुख्यालय बाणेर येथे आहे. मुंढवा आणि सोलापूर येथे पारपत्र सेवा केंद्र आहेत. कोल्हापूर, अहमदनगर, बारामती, बीड, इचलकरंजी, जालना, लातूर, माढा, नांदेड, उस्मानाबाद, पंढरपूर, परभणी, पिंपरी-चिंचवड, सांगली, सातारा, शिरुर, श्रीरामपूर येथील १७ टपाल कार्यालयांमध्ये पोस्ट ऑफिस पारपत्र सेवा केंद्राची सुविधाही उपलब्ध करून देण्यात आली आहे.
