खबरदार, रुग्णांना बाहेरून औषधे आणायला लावली तर… ससूनचे नवे अधिष्ठाता डॉ. पवार यांची डॉक्टरांना तंबी

मुंबईतील जे. जे. वैद्यकीय महाविद्यालयातील अस्थिव्यंगोपचार विभागाचे प्रमुख डॉ. एकनाथ पवार यांच्याकडे ससूनच्या अधिष्ठातापदाचा अतिरिक्त कार्यभार सोपविण्यात आला आहे. त्यांनी शुक्रवारी पदाची सूत्रे हाती घेतली. यानंतर महाविद्यालय परिषदेची बैठक त्यांनी घेतली. सूत्रांनी दिलेल्या माहितीनुसार, औषधखरेदी आणि रुग्णांना बाहेरून औषधे आणण्यास लावण्याच्या मुद्द्यावर बैठकीत चर्चा झाली. डॉक्टरांनी कोणत्याही परिस्थितीत रुग्णांना बाहेरून औषधे आणावयास सांगू नये. रुग्णांना औषधे लिहून देताना रुग्णालयात उपलब्ध असतील तीच औषधे द्यावीत, अशी तंबी त्यांनी दिली.

आणखी वाचा

“मला जिराफ म्हटलं जायचं”, सोनाली बेंद्रेवर एकेकाळी व्हायची टीका, बॉडिशेमिंगचा आरोग्यावर कसा होतो परिणाम, तज्ज्ञांनी केला खुलासा

Nana Patole : निकालाआधी राजकीय घडामोडींना वेग; यातच…

Health Special: असुरक्षित वातावरण आणि मानसिक स्वास्थ्य

आरे रुग्णालय रुग्णशय्येवर डॉक्टर, अन्य कर्मचाऱ्यांची अनुपस्थिती; आदिवासी रुग्णांची उपचारांसाठी पायपीट

औषधांच्या किमती नियंत्रणात आणा, आरोग्य व्यवस्था सक्षम करा! निवडणुकीच्या पार्श्वभूमीवर आरोग्य सेनेकडून खुला जाहीरनामा

डॉक्टरांच्या आंदोलनानंतर व्ही. एन. देसाई रुग्णालयाच्या सुरक्षा रक्षकांमध्ये वाढ, मुंबई महानगरपालिका आयुक्तांसोबतच्या चर्चेनंतर निघाला तोडगा

Chennai : कॅन्सरग्रस्त महिलेच्या मुलाचा डॉक्टरवर चाकुने हल्ला; मुख्यमंत्र्यांचे चौकशीचे आदेश

नातेवाईकांकडून मारहाण झाल्याने डॉक्टर आक्रमक; व्ही. एन. देसाई रुग्णालयातील बालरोग विभाग डॉक्टरांनी ठेवले बंद

आणखी वाचा-पुण्यात डेंग्यूचा उद्रेक! मोठ्या संख्येने रुग्ण आढळल्याने महापालिका ‘ॲक्शन मोड’वर

मागील काही दिवसांत ससूनमधील डॉक्टरांनी रुग्णांना बाहेरून औषधे आणण्यास सांगितल्याच्या घटना घडल्या होत्या. रुग्णांना रुग्णालयातच मोफत औषधे देण्याचे धोरण आधीपासून स्वीकारण्यात आले आहे. मात्र, काही डॉक्टर रुग्णांना बाहेरून औषधे आणण्यास सांगतात, अशा तक्रारी वारंवार येतात. त्यामुळे डॉ. पवार यांनी पहिल्याच बैठकीत याची गंभीर दखल घेऊन असे प्रकार टाळण्याचे निर्देश दिले आहेत.

ससूनला पूर्वीचा लौकिक मिळवून देणार

अधिष्ठाता पदाचा कार्यभार स्वीकारल्यानंतर लोकसत्ताशी बोलताना डॉ. पवार म्हणाले, की मी याच महाविद्यालयाचा विद्यार्थी आहे. त्यामुळे मला या संस्थेबद्दल आत्मीयता आहे. मागील काही काळात घडलेल्या घटनांमुळे संस्थेच्या लौकिकाला धक्का बसला आहे. संस्थेला पूर्वीचा लौकिक मिळवून देण्याचे माझे प्रयत्न असतील. ससून रुग्णालयातील रुग्णसेवा सुधारण्यास प्राधान्य दिले जाईल. रुग्णांना योग्य आणि वेळेत उपचार मिळावेत या दृष्टीने पावले उचलली जाणार आहेत.