अमली पदार्थ तस्कर प्रकरणातील आरोपी ललित पाटीलला मदत करणाऱ्या प्रज्ञा कांबळे, अर्चना निकम यांना २३ ऑक्टोबरपर्यंत पोलीस कोठडी

हेही वाचा >>> “ईडी अन् सीबीआयचा ससेमिरा संपवायचा असेल, तर…”, पृथ्वीराज चव्हाणांचं विधान

प्रथमवर्ग न्यायदंडाधिकारी ए. सी. बिराजदार यांच्या न्यायालयात सुनावणी झाली. न्यायाधीश ए. सी. बिराजदार यांना माहिती देताना तपास अधिकारी म्हणाले की, आरोपी ललित पाटील हा २ ऑक्टोबर रोजी पळून गेल्यानंतर त्याला या दोन्ही आरोपींनी २५ लाख रुपयांची मदत केल्याचे स्पष्ट होत आहे. त्यामुळे एकूणच हे प्रकरण लक्षात घेऊन अधिक तपासासाठी सात दिवसांची पोलिस कोठडी देण्यात यावी, अशी मागणी करण्यात आली आहे.

आरोपीचे वकील ॲड. तेजस पुणेकर आणि ॲड. समीर इनामदार यांनी सात दिवसांच्या पोलिस कोठडीला विरोध दर्शविला. त्यावर सरकारी वकील नीलम यादव इथापे यांनीदेखील बाजू मांडली. अखेर न्यायाधीश ए. सी. बिराजदार यांनी सात दिवसांऐवजी चार दिवसांची म्हणजेच २३ ऑक्टोबरपर्यंत पोलिस कोठडी सुनावली.