पुणे: गोदाम मालकाचा खून करून अपघाताचा बनाव, गोदामाच्या भाड्यावरुन खून केल्याचे उघड

बाजीराव सुदाम खांदवे (वय ५५, रा. हरणतळ वस्ती, लोहगाव) असे खून झालेल्या गोदाम मालकाचे नाव आहे. याप्रकरणी पोलिसांनी लक्ष्मण नारायण इमनेलू (वय ३८, रा. पाटोदा खुर्द, ता. धर्माबाद, जि. नांदेड) याला अटक करण्यात आली आहे. त्याचे साथीदार मुख्य सूत्रधार नागेश नाईक याच्यासह साथीदारांविरुद्ध गुन्हा दाखल करण्यात आला आहे. खांदवे यांचे लाेहगाव भागातील पठारे वस्तीत गोदाम आहे. आरोपी नागेश नाईक याला त्यांनी गोदाम भाड्याने दिले होते.

आणखी वाचा

पुणे : मोटारीची काच फोडून ऐवज चोरणारा तामिळनाडूतील चोरटा गजाआड

१८ ऑक्टोबर पंचांग: नोकरदारांच्या कुंडलीत अच्छे दिन तर…

हडपसरमध्ये खोक्यात सापडलेल्या तरुणाच्या मृतदेहाची ओळख पटली

पुणे : ताटात हात घातल्याने तरुणाचा खून, धायरीतील घटना; पाचजणांविरुद्ध गुन्हा

कल्याणमध्ये गरबा पाहण्यासाठी आलेल्या मुलाचा वीज वाहिनीचा धक्का बसून मृत्यू

अपघातात मृत पावलेल्या दुचाकीस्वाराच्या कुटूंबियांना साडेचार कोटींची नुकसान भरपाई, मोटार अपघात दावा न्यायाधिकरणाचे आदेश

पुणे: जुगार अड्ड्यावर पोलीसांचा छापा पडताच दुसऱ्या मजल्यावरून मारली उडी, उपचारादरम्यान मृत्यू

कोल्हापूर: मुलीला त्रास देणाऱ्या जावयाचा सासू, सासऱ्याने काटा काढला; दोन्ही आरोपी जेरबंद

हेही वाचा… देहूकरांच्या विरोधानंतर पोलीस आयुक्तालयासाठी आता मोशीतील गायरान जागेची चाचपणी

गोदामच्या ‌भाड्यावरुन खांदवे आणि नाईक यांच्यात वाद झाला होता. खांदवे यांना नाईकने गोदामात बोलावून घेतले. तेथे नाईक आणि साथीदारांनी खांदवे यांना गजाने बेदम मारहाण करुन खून केला. त्यानंतर खांदवे यांचा मृतदेह रिक्षात टाकून वाघोलीतील खाणीत टाकून दिला. खांदवे यांचा अपघाती मृत्यू झाल्याचा बनाव त्यांनी रचला होता. पाच दिवसांपूर्वी वाघोलीतील खाणीत एकाचा मृतदेह सापडल्याची माहिती पोलिसांना मिळाली. पोलिसांनी घटनास्थळाची पाहणी केली. खांदवे यांच्या मृतदेहाचे शवविच्छेदन करण्यात आले. शवविच्छेदनात खांदवे यांचा मृत्यू मारहाणीमुळे झाल्याचे वैद्यकीय तज्ज्ञांनी नमूद केले होते. खांदवे यांची ओळख पटलेली नव्हती. दरम्यान, खांदवे बेपत्ता झाल्याची तक्रार विमानतळ पोलिसांकडे देण्यात आली होती.

हेही वाचा… पुनावळेतील प्रस्तावित कचरा डेपोला स्थानिकांचा विरोध

लोणीकंद पोलिसांनी याप्रकरणाचा तपास सुरू केला. खांदवे यांचे गोदाम भाड्याने घेणारा आरोपी नाईक आणि चार कामगार गोदाम सोडून गेल्याची माहिती पोलिसांना तपासात मिळाली. त्यानंतर पोलिसांनी तपास करुन आरोपी इमनेलूला ताब्यात घेतले. सुरुवातीला इमनेलूने पाेलिसांना उडवाउडवीची उत्तरे दिली. पोलिसी खाक्या दाखविताच त्यांनी खांदवे यांचा खून केल्याची कबुली दिली. पोलीस उपायुक्त शशिकांत बोराटे, सहायक आयुक्त संजय पाटील यांच्या मार्गदर्शनाखाली वरिष्ठ निरीक्षक विश्वजीत काईंगडे, गुन्हे शाखेचे निरीक्षक मारुती पाटील, सीमा ढाकणे, सहायक निरीक्षक रवींद्र गोडसे, हवालदार संदीप तिकोणे, स्वप्निल जाधव, अजित फरांदे, कैलास साळुंके, शुभम चिनके, परमेश्वर आघाव, आशिष लोहार आदींनी ही कारवाई केली.