पुणे : भरधाव डंपरच्या धडकेत मोटारीतील पिता-पुत्राचा मृत्यू झाल्याची घटना पुणे-सोलापूर रस्त्यावरील थेऊर फाटा परिसरात घडली. याप्रकरणी डंपरचालकाविरुद्ध लोणी काळभोर पोलिसांनी गुन्हा दाखल केला.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

अभिजीत सुरेश पवार (वय ३६), सुरेश प्रभाकर पवार (वय ६२ रा. बकोरी फाटा, वाघोली) अशी मृत्युमुखी पडलेल्यांची नावे आहेत. प्रणिता पवार, रियांश पवार, सुलोचना पवार अशी गंभीर जखमी झालेल्यांची नावे आहेत. याप्रकरणी डंपरचालक संदेश लक्ष्मणराव पवार (वय ३३ ) याच्याविरुद्ध गुन्हा दाखल करण्यात आला आहे. अनिकेत पवार (वय ३१) यांनी याबाबत फिर्याद दिली आहे.

ही हे वाचा…दोषमुक्त करून प्रकरण निकाली काढावे; नाट्यनिर्मात्याची फसवणूक प्रकरण, मनोज-जरांगे पाटील यांचा न्यायालयात अर्ज

पोलिसांनी दिलेल्या माहितीनुसार, अभिजीत सोमवारी (१ सप्टेंबर) दुपारी साडेतीनच्या सुमारास कुटुंबीयांसह मोटारीतून निघाले होते. पुणे-सोलापूर महामार्गावरील थेऊऱ फाटा परिसरात भरधाव डंपरने मोटारीला धडक दिली. अपघातात मोटारीतील अभिजीत आणि त्यांचे वडील सुरेश यांचा जागीच मृत्यू झाला. अपघातात अभिजीतची वहिनी प्रणिता, आई सुलोचना, मुलगा रियांश गंभीर जखमी झाले. त्यांना उपचारासाठी खासगी रूग्णालयात दाखल करण्यात आले आहे. सहायक पोलीस निरीक्षक शिवशांत खोसे तपास करत आहेत.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Dumper and car accident on solapur road father and son died pune print news rbk 25 sud 02