खाद्यतेल वर्षभर स्वस्त; आयातीला मार्च २०२५ पर्यंत मुदतवाढ

केंद्र सरकारच्या वाणिज्य मंत्रालयाने २०२५ पर्यंत कच्च्या सोयाबीन, सूर्यफूल आणि पामतेलाची आयात ५.५० टक्के तर रिफाईन्ड तेलावर १३.७५ टक्के आयात शुल्क आकारून आयात करण्यास मुदतवाढ दिली आहे. यापूर्वी ही मुदत मार्च २०२४ पर्यंत होती. सवलत मिळण्यापूर्वी कच्च्या तेलावरील आयात शुल्क १३.७ तर रिफाईन्ड तेलावरील आयात शुल्क ४५ टक्के होता. मागील वर्षभर आयात शुल्कात सवलत दिल्यामुळे मागील खाद्यतेल वर्षात, नोव्हेंबर २०२२ ते ऑक्टोबर २०२३ या खाद्यतेल वर्षात १६५ लाख टन इतकी उच्चांकी खाद्यतेलाची आयात झाली होती. यंदा आयात शुल्कात सवलत दिल्यामुळे पुढील वर्षभर मोठ्या प्रमाणावर खाद्यतेल आयात होण्याची शक्यता आहे.

आणखी वाचा

शेतकऱ्यांच्या प्रश्नावर थेट आंदोलन न करणाऱ्या ॲड. चटप यांना मतदार स्वीकारणार का?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

बहुराष्ट्रीय खाद्य उत्पादक कंपन्या भारतात हलक्या प्रतीची उत्पादने विकतात? काय सांगतो नवा अहवाल?

विश्लेषण: १४ महिन्यांतील उच्चांकी चलनवाढीमागे कारणे कोणती? व्याजदर कपात आणखी लांबणीवर? जीडीपी वाढही मंदावणार?

नुकसानीमुळे कांदा उत्पादक, तर दरवाढीमुळे ग्राहक त्रस्त; कांदा शंभरीवर

किरकोळ महागाई दराने गाठला १४ महिन्यांचा उच्चांक; ऑक्टोबर महिन्यात ६.२१ टक्क्यांची नोंद

जीएम सोयाबीन विना तेलबिया मिशन संकटात

यंदाच्या खरीप हंगामात विक्रमी अन्नधान्य उत्पादन होणार; जाणून घ्या, केंद्र सरकारचा पीकनिहाय उत्पादनाचा अंदाज

हेही वाचा >>> मोठी बातमी: पाणी उपलब्ध असलेल्या भागातच बांधकामांना परवानगी

देशात एक जानेवारी रोजी २८.९७ लाख टन खाद्यतेलाचा साठा होता. नोव्हेंबर आणि डिसेंबर २०२३, या दोन महिन्यांत एकूण २,४७२.२७६ टन एकूण खाद्यतेलाची आयात झाली आहे. ही आयात प्रामुख्याने इंडोनेशिया, मलेशिया, थायलंड, अर्जेंटिना, ब्राझील, युक्रेन, रोमानिया आणि रशियातून झाली आहे.

हमीभाव नसल्याने तेलबियांना कमी दर

सध्या देशात उत्पादित झालेल्या तेलबियांना हमीभाव मिळत नसल्याची स्थिती आहे. सोयाबीनला ४६०० रुपये प्रति क्विंटल हमीभाव आहे. तरीही बाजारात सोयाबीन ४००० ते ४५०० रुपयांनी विकले जात आहे. सूर्यफूल बियांची अवस्था यापेक्षा वेगळी नाही. सूर्यफूल बिया मागणी अभावी पडून आहेत. सूर्यफूल बियांना ५६५० रुपये प्रति क्विंटल हमीभाव आहे. पण, सूर्यफुलाचे दर ५००० रुपयांच्या आतच राहिले आहेत. स्वस्त आयातीमुळे देशी खाद्यतेल उद्योगही पूर्ण क्षमतेने सुरू नाही.

जागतिक दर दबावाखालीच

सवलतीच्या दरात होणाऱ्या खाद्यतेल आयातीमुळे ग्राहकांना दिलासा मिळणार आहे. पण, देशात उत्पादित झालेल्या तेलबियांच्या दरावर परिणाम होईल. मागील वर्षभर देशात तेलबियांचे दर दबावाखाली राहिले आहेत. यंदाच्या हंगामात दक्षिण अमेरिकेत सोयाबीनच्या उत्पादनात वाढ झाल्यामुळे जागतिक बाजारात तेलबियांचे दर दबावाखालीच आहेत, अशी माहिती शेतीमालाच्या बाजारभावाचे अभ्यासक श्रीकांत कुवळेकर यांनी दिली.