पुणे कृषी उत्पन्न बाजार समितीची निवडणूक केंद्रे जाहीर

बाजार समितीची निवडणूक २४ वर्षांनंतर होणार आहे. मतदारसंघनिहाय मतदान केंद्रे जाहीर करण्यात आली आहेत. १८ जागांसाठी १७ हजार ८१२ जण मतदान करणार आहेत. सेवा सहकारी संस्था गटातून सर्वाधिक ११ उमेदवार निवडून येणार आहेत. ग्रामपंचायत गटातून चारजण, व्यापारी-आडते गटातून दोनजण आणि हमाल, मापाडी गटातून एक उमेदवार निवडून येणार आहे, अशी माहिती निवडणूक निर्णय अधिकारी प्रकाश जगताप यांनी दिली.

हेही वाचा – पुणे : कॉसमॉस बँक सायबर हल्ला प्रकरणातील ११ आरोपींना शिक्षा

व्यापारी, आडते गटात सर्वाधिक मतदार असून, या गटातील निवडणूक चुरशीची होणार आहे. निवडणुकीसाठी दोन पॅनल समोरासमोर असून, व्यापारी गटातील पॅनलने कोणालाही पाठिंबा दिला नाही. या गटातील प्रत्येकी दोन उमेदवारांनी पॅनल तयार केला आहे.