स्वयंचलित यंत्रणेऐवजी रेल्वेची कर्मचाऱ्यांवर भिस्त; बालासोर दुर्घटनेनंतर सुरक्षिततेसाठी मानवी हस्तक्षेपावर भर देण्याचे पाऊल 

रेल्वेतील सूत्रांनी दिलेल्या माहितीनुसार, रेल्वेच्या वरिष्ठ अधिकाऱ्यांची नुकतीच बैठक झाली. या बैठकीत रेल्वेच्या सर्व विभागांचे अधिकारी उपस्थित होते. यात रेल्वेच्या सुरक्षा यंत्रणांबाबत महत्त्वाच्या सूचना करण्यात आल्या. केवळ स्वयंचलित यंत्रणा आहे म्हणून त्यावर विसंबून न राहता तिची प्रत्यक्ष तपासणी अधिकारी आणि कर्मचाऱ्यांनी करावी, असे निर्देश देण्यात आले. स्वयंचलित यंत्रणेवर अवलंबून राहण्याऐवजी कर्मचाऱ्यांचा हस्तक्षेप वाढवावा, अशा सूचनाही करण्यात आल्या.

आणखी वाचा

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

१६ नोव्हेंबर पंचांग: कृतिका नक्षत्रात मेषला शुभ दिवस,…

Bluetooth 6.0 लेटेस्ट व्हर्जन, ऑडिओ, व्हिडीओ ते डॉक्युमेंट्स शेअर करण्याची असणार सोय; कोणत्या फोन, डिव्हाईसमध्ये चालेल?

पुणे जिल्ह्यात प्रथमच दुर्मीळ ‘युरेशियन पाणमांजरा’चा शोध, इंदापूरमधील विहिरीमध्ये पडलेल्या पाणमांजराची सुटका

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

पोलीस ठाण्यात साप आणि पोलिसांची तारांबळ

मागील काही काळात रेल्वेने मोठय़ा प्रमाणात आधुनिकीकरणाची पावले उचलली होती. यात सुरक्षाविषयक यंत्रणाही आधुनिक करून त्यातील मानवी हस्तक्षेप कमी करण्यावर भर देण्यात आला होता. बालासोरमधील दुर्घटनेनंतर रेल्वेने उलटा प्रवास सुरू केला आहे. केवळ तंत्रज्ञान आणि आधुनिकीकरण केलेल्या यंत्रणेवर विसंबून राहू नये, अशी भूमिका घेण्यात आली आहे. कर्मचाऱ्यांचा या प्रक्रियेत आधी कमी करण्यात आलेला सहभाग पुन्हा वाढवावा, असे प्रयत्न सुरू झाले आहेत.

रेल्वे मंडळाने नुकतेच एक परिपत्रक याबाबत काढले होते. देखभाल आणि दुरुस्तीच्या कामात कोणतीही कसूर केली जाऊ नये, असे त्यात म्हटले होते. याचबरोबर देखभाल व दुरुस्तीची जबाबदारी असणाऱ्या अधिकाऱ्यांनी प्रत्यक्ष कामाच्या ठिकाणी जास्तीत जास्त वेळ द्यावा, असेही म्हटले होते. अधिकाऱ्यांनी कर्मचाऱ्यांशी सातत्याने संवाद साधून प्रत्यक्ष परिस्थिती काय आहे, याचा आढावा घ्यावा, असेही त्यात नमूद केले होते.

कामाच्या ठिकाणी थांबा 

सर्व विभागांतील निरीक्षकांना कार्यस्थळी जाऊन तपासणी करण्याचे निर्देश देण्यात आले आहेत. याचबरोबर वरिष्ठ अधिकारी कार्यालयात बसण्याऐवजी लोहमार्ग आणि स्थानकांमध्ये जाऊन सुरक्षा आणि देखभालीची पाहणी करीत आहेत. सुरक्षेत कोणतीही त्रुटी राहू नये, यासाठी विभागीय पातळीवर निर्देश देण्यात आले आहेत, अशी माहिती मध्य रेल्वेच्या पुणे विभागातील अधिकाऱ्यांनी दिली.