पिंपरी-चिंचवड, मावळमधील लढतीचे चित्र स्पष्ट; ‘अशा’ होणार लढती

पिंपरी : शहरातील तिन्ही मतदारसंघातील बंडखोरी शमविण्यात महाविकास आघाडी आणि महायुतीला यश आले आहे. पिंपरीतून अपक्ष अर्ज दाखल केलेले शिवसेनेचे (ठाकरे) माजी आमदार गौतम चाबुकस्वार आणि भोसरीतून माजी नगरसेवक रवी लांडगे यांनी माघार घेतली. दोघांनीही राष्ट्रवादी (शरद पवार) पक्षाच्या उमेदवारांना पाठींबा दिला. तर, महायुतीमधील अजित पवार यांच्या राष्ट्रवादीचे माजी नगरसेवक नाना काटे यांनी चिंचवडमधून माघार घेत भाजपच्या शंकर जगताप यांना पाठिंबा दिला आहे. माघारीनंतर लढतीचे चित्र स्पष्ट झाले असून पिंपरी, भोसरी, मावळमध्ये दुरंगी तर चिंचवडमध्ये तिरंगी लढत होणार आहे.

नक्की वाचा

पिंपरीत भाजपपुढे नाराजांची डोकेदुखी; आतापर्यंत १३ माजी नगरसेवकांचे पक्षांतर

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

चिंचवड, भोसरीतून ‘घड्याळ’ हद्दपार!

“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल

Manoj Jarange Patil : माघार घेताना जरांगे यांचा मुख्यमंत्री शिंदे यांना धक्का

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

मावळ मतदारसंघात नाट्यमय घडामोडी

पिंपरी- चिंचवड: लांडगे संतापले; “कार्यकर्त्यांला त्रास दिल्यास वीस तारखेनंतर चा महेश लांडगे डोळ्यासमोर ठेवा”; शांततेचा अंत…

‘ज्या पक्षाचा आमदार, त्या पक्षाला उमेदवारी’ या महायुतीच्या ठरलेल्या सूत्रानुसार चिंचवड आणि भोसरी मतदारसंघ भाजपला तर पिंपरी मतदारसंघ राष्ट्रवादी (अजित पवार) पक्षाला सुटला आहे. तर, महाविकास आघाडीत तिन्ही मतदारसंघ राष्ट्रवादी (शरद पवार) पक्षाला सुटले आहेत. त्यामुळे तिन्ही मतदारसंघात महायुती आणि महाविकास आघाडीत बंडखोरी झाली होती. पिंपरीतून शिवसेनेचे (ठाकरे) माजी आमदार गौतम चाबुकस्वार यांनी बंडखोरी करत अपक्ष अर्ज दाखल केला होता. माघारीच्या दिवशी त्यांच्यासह २१ जणांनी माघार घेतली. १५ उमेदवार रिंगणात असून राष्ट्रवादी (अजित पवार) पक्षाचे उमेदवार आमदार अण्णा बनसोडे आणि राष्ट्रवादी (शरद पवार) पक्षाच्या सुलक्षणा शिलवंत यांच्यात दुरंगी लढत होईल.

आणखी वाचा-दिव्यांग अपक्ष उमेदवाराने ‘या’ कारणामुळे निवडणूक निर्णय अधिकाऱ्यांची गाडी पेटवून दिली

चिंचवडमध्ये महायुतीचा घटक पक्ष असलेल्या राष्ट्रवादी (अजित पवार) पक्षाचे माजी नगरसेवक नाना काटे यांनी बंडखोरी केली होती. उपमुख्यमंत्री अजित पवार, देवेंद्र फडणवीस यांच्या आदेशानंतर काटे यांनी माघार घेतली. सात जणांनी माघार घेतली असून २१ उमेदवार रिंगणात आहेत. भाजपचे शंकर जगताप, राष्ट्रवादी (शरद पवार) पक्षाचे राहुल कलाटे आणि राष्ट्रवादी (अजित पवार) पक्षाचे बंडखोर भाऊसाहेब भोईर यांच्यात तिरंगी लढत होईल. भोसरीत शिवसेना (ठाकरे) पक्षाचे माजी नगरसेवक रवी लांडगे यांनी बंडखोरी करत अपक्ष अर्ज दाखल केला होता. परंतु, आमदार सचिन अहिर यांच्या मध्यस्थीनंतर लांडगे यांनी माघार घेतली. सात जणांनी माघार घेतली असून १४ उमेदवार रिंगणात आहेत. भाजपचे उमेदवार आमदार महेश लांडगे आणि राष्ट्रवादी (शरद पवार) पक्षाचे अजित गव्हाणे यांच्यात दुरंगी लढत होईल.

आणखी वाचा-पुण्यातील कसबा, पर्वती आणि शिवाजीनगर या तीन मतदारसंघात महाविकास आघाडीमध्ये बंडखोरी

मावळच्या रिंगणात सहाच उमेदवार

मावळमधून अंतिम दिवशी सहा जणांनी माघार घेतली आहे. त्यामुळे मावळच्या रिंगणात केवळ सहाच उमेदवार राहिले आहेत. एकूण १८ उमेदवारांनी अर्ज भरले होते. छाननी प्रक्रियेत सहा अर्ज बाद झाले होते. तर, सहा जणांनी माघार घेतली आहे. त्यामुळे मावळ विधानसभा मतदारसंघात राष्ट्रवादी (अजित पवार) पक्षाचे सुनील शेळके विरुद्ध सर्वपक्षांनी पाठींबा दिलेले राष्ट्रवादी (अजित पवार) पक्षाचेच बंडखोर महाविकास आघाडीने पाठिंबा दिलेले अपक्ष बापू भेगडे अशी लढत होणार असल्याचे चित्र स्पष्ट झाले आहे.