पुणे: कोलवडीत छटपूजेत हाणामारी; सहा जणांच्या विरुद्ध गुन्हा दाखल

पुणे: हवेली तालुक्यातील कोलवडी परिसरात आयोजित करण्यात आलेल्या छटपूजेच्या कार्यक्रमात फटाके फोडण्याच्या वादातून दहशत माजविल्या प्रकरणी सहा जणांच्या विरोधात लोणीकंद पोलिसांनी गुन्हा दाखल केला. या प्रकरणी तिघांना अटक करण्यात आली. या प्रकरणी चिराग अजय तिवारी (वय १९), नागनाथ पाटील (वय २२), सागर अशोक जावळे (वय २०), अमीन चांद शेख ( वय १८), महेश इंगळेश्वर (वय २३) आणि स्वप्नील जाधव (वय १९, सर्व रा. कोलवडी, ता. हवेली) यांच्या विरोधात गुन्हा दाखल करण्यात आला आहे. तिवारी, जावळे आणि शेख याच्या विरोधात गुन्हे दाखल आहे. याबाबत नीतेश बलिस्टर प्रसाद (रा. कोलवडी) यांनी लाेणी काळभोर पोलीस ठाण्यात फिर्याद दिली आहे.