पुणे : महाज्योतीतर्फे ३१४ उमेदवारांना यूपीएससी तयारीसाठी अर्थसहाय्य

पुणे : महात्मा ज्योतिबा फुले संशोधन व प्रशिक्षण संस्थेतर्फे  (महाज्योती) केंद्रीय लोकसेवा आयोगाची पूर्व परीक्षा उत्तीर्ण झालेल्या ३१४ विद्यार्थ्यांना मुख्य परीक्षेच्या तयारीसाठी प्रत्येकी ५० हजार रुपयांचे आर्थिक साहाय्य देण्याची प्रक्रिया सुरू झाली आहे. केंद्रीय लोकसेवा आयोगाच्या पूर्व परीक्षेचा निकाल जूनमध्ये जाहीर झाला. त्यानुसार महाज्योतीमार्फत इतर मागासवर्ग, विमुक्त भटक्या जमाती, विशेष मागास प्रवर्गातील पूर्व परीक्षा उत्तीर्ण झालेल्या उमेदवारांना एकरकमी ५० हजार रुपयांचे अर्थ साहाय्य देण्यासाठी अर्ज मागवण्यात आले होते.