पुणे : कोंढव्यातील एनआयबीएम रस्त्यावर असलेल्या सदनिकेत रविवारी दुपारी आग लागली. आगीत एका महिलेचा मृत्यू झाल्याची माहिती अग्निशमन दलाच्या मुख्य नियंत्रण कक्षाने दिली.एनआयबीएम रस्त्यावरील सनफ्लाॅवर आणि सनश्री सोसायटी आहे. रविवारी दुपारी सोसायटीतील एका सदनिकेत आग लागली. या घटनेची माहिती मिळताच कोंढवा अग्निशमन केंद्रातील जवानांनी घटनास्थळी धाव घेतली. पाण्याचा मारा करुन आग आटोक्यात आणण्यासाठी प्रयत्न सुरू केले. सदनिकेतील गृहापयोगी साहित्याने पेट घेतल्याने आग भडकली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आग भडकल्याने सदनिकेत असलेल्या महिलेला बाहेर पडता आले नाही. आगीत गंभीर होरपळलेल्या महिलेला जवानांनी बाहेर काढले. पाण्याचा मारा करुन आग आटोक्यात आणली.गंभीर होररळलेल्या महिलेला तातडीने रुग्णालयात दाखल करण्यात आले. उपचारादरम्यान महिलेचा मृत्यू झाल्याची माहिती अग्निशमन दलाने दिली.

नक्की वाचा