पिंपरी-चिंचवडमध्ये भंगारच्या गोदामाला भीषण आग

पोलिसांनी दिलेल्या माहितीनुसार, पिंपरी-चिंचवडमधील कुदळवाडीत गोदामाला लागलेल्या आगीची झळ परिसरातील चार गोदामे आणि इतर दहा दुकानांना बसली आहे. या घटनेत कोणतीही जीवितहानी झाली नाही. या घटनेची माहिती मिळताच अग्निशमन दलाचे जवान आणि पोलिसांनी घटनास्थळी धाव घेतली.  या ठिकाणी अग्निशमन दलाच्या सात गाड्या आणि दोन खासगी टँकरने आग विझवण्याचे काम सुरू आहे. आगीचे कारण अद्याप अस्पष्ट आहे. यापूर्वीही या परिसरात आगीच्या घटना घडल्या आहेत.