पुणे : पुणे रास्ता पेठेतील ताराचंद रुग्णालयामधील विद्यार्थिनींच्या वसतिगृहात आग लागल्याची घटना शुक्रवारी सकाळी घडली. सुदैवाने या घटनेत कोणीही जखमी झाले नाही.
अग्निशमन मुख्यालय आणि कसबा अग्निशमन केंद्र येथून अग्निशमन वाहने रवाना करण्यात आली. तळमजला अधिक तीन मजले असलेल्या वसतिगृहात पहिल्या मजल्यावर खोली क्रमांक चारमध्ये आग लागली आहे. जवानांनी प्रथम विद्यार्थिनी सुरक्षित आहेत का किंवा कोणी अडकले नसल्याची खात्री केली. या खोलीत राहत असलेल्या तीन विद्यार्थिनी आणि वसतिगृहातील सर्वजण बाहेर आले होते. जवानांनी खोलीत पाणी मारून दहा मिनिटांत आग आटोक्यात आणली. या घटनेत खोलीमधील शैक्षणिक साहित्य, लाकडी सामान आणि वस्तू जळाल्या. ही आग खोलीतील हिटरमुळे लागल्याचे प्रत्यक्षदर्शींनी सांगितले.
हेही वाचा – अधिकाऱ्यांची दिवाळी, पिंपरी-चिंचवड महापालिकेचे दिवाळे
अग्निशमन अधिकारी पंकज जगताप, सचिन चव्हाण, समीर शेख, सुनिल नामे, संजय गायकवाड, जवान भूषण सोनावणे, सतीश ढमाळे, अक्षय शिंदे, परेश जाधव, केतन नरके, आतिश नाईकनवरे, शुभम देशमुख आदींनी आग आटोक्यात आणली.
