पुणे : श्री शिवाजी प्रिपेएटरी मिलिटरी स्कूल संस्थेच्या फार्मसी महाविद्यालयातील प्रयोगशाळेत आग

महाविद्यालयाच्या इमारतीत असलेल्या दुसऱ्या मजल्यावरील प्रयाेगशाळेत दुपारी आग लागली. या घटनेची माहिती मिळताच अग्निशमन दलाच्या नायडू केंद्रातील दोन बंब घटनास्थळी दाखल झाले. जवानांनी पाण्याचा मारा करुन आग आटोक्यात आणली. सुदैवाने या घटनेत कोणी जखमी झाले नाही. आगीत प्रयोगशाळेतील साहित्य, संगणक, फ्रीज जळाले. आगीमागचे कारण समजू शकले नाही, अशी माहिती अग्निशमन दलाने दिली.