पुणे : पीएमपी प्रशासनाने पाच रुपयांमध्ये पाच किलोमीटर अंतरातील प्रवास योजनेअंतर्गत सुरू असलेले उर्वरित २८ मार्गही बंद करण्याचा निर्णय घेतला आहे. त्यामुळे आता ही सेवा कायमस्वरुपी बंद झाली आहे. मार्गांचे उत्पन्न, प्रवासी संख्या यांचा विचार करता प्रवाशांचा अपेक्षित प्रतिसाद मिळत नसल्याने पीएमपी प्रशासनाला हा निर्णय घ्यावा लागला आहे.
पीएमपीने २५ ऑक्टोबर २०२० पासून पाच किलोमीटर अंतरासाठी पाच रुपये तिकीट आकारणी सुरू केली होती. त्यासाठी ५६ मार्ग निश्चित करण्यात आले होते. परंतु, काही मार्गांवर प्रवाशांचा प्रतिसाद नसल्यामुळे २८ मार्गांवर ही सेवा सुरू ठेवण्यात आली होती. मात्र, बस वाहतुकीसाठी येणारा खर्च आणि मिळणारे उत्पन्न यांचा विचार करता ५ किलोमीटर अंतरासाठी ५ रुपये तिकीट आकारणीमुळे पीएमपीचे आर्थिक नुकसान होत होते. त्यातून संचलनातील तूटही वाढत होती. त्यामुळे या २८ मार्गावरही सुरू असलेली सेवा बंद करण्याचा निर्णय पीएमपीच्या वाहतूक व्यवस्थापन विभागाने घेतला आहे. बंद करण्यात आलेल्या मार्गांवर १९ फेब्रुवारीपासून नेहमीच्या दराने तिकीट आकारणी होणार असल्याची माहिती पीएमपी प्रशासनाकडून देण्यात आली.
स्वारगेट-पुणे स्थानक-ताडीवाला रस्ता, स्वारगेट- महात्मा गांधी बसस्थानक-पुलगेट-शीतल पेट्रोल पंप, नरवीर तानाजी वाडी-डेक्कन-गोखलेनगर, नरवीर तानाजी वाडी-डेक्कन-गोखलेनगर, कोथरूड-गुजरात काॅलनी-कोथरूड स्टॅण्ड (वर्तुळ), कोथरूड-गालिंद पथ-दांगट वस्ती, कोथरूड-कर्वेनगर (गार्डन सिटी)-कर्वेनगर (वर्तुळ), कोथरूड-बावधन-कोथरूड डेपो (वर्तुळ), कात्रज-जांभुळवाडी, कात्रज-नऱ्हेगांव, कात्रज-गुजरवाडी, कात्रज-येवलेवाडी, कात्रज-वाघजाईनगर, हडपसर-सासवड रस्ता रेल्वे स्तानक, हडपसर-महंमदवाडी, हडपसर-फुरसुंगी, हडपसर-मांजरी बुद्रुक, हडपसर-संकेतविहार, मुंढवा चौक-मांजरी बुद्रुक, अप्पर डेपो- मार्केटयार्ड (सुखसागरनगर)- मार्केटयार्ड (वर्तुळ), अप्पर डेपो- कात्रज कोंढवा रस्ता- अप्पर डेपो, निगडी-रुपीनगर-निगडी, निगडी- खंडोबामाळ-चिखली, भोसरी-दिघी, भोसरी- चऱ्होली गांव-आळंदी, पिंपरी-चिंचवड गांव-वाल्हेकरवाडी, बालेवाडी- चिंचवडगांव- आकुर्डी रेल्वे स्थानक या मार्गांवरील पाच रुपयांत पाच किलोमीटर प्रवासी ही योजना बंद करण्यात येणार आहे.
पीएमपीने २५ ऑक्टोबर २०२० पासून पाच किलोमीटर अंतरासाठी पाच रुपये तिकीट आकारणी सुरू केली होती. त्यासाठी ५६ मार्ग निश्चित करण्यात आले होते. परंतु, काही मार्गांवर प्रवाशांचा प्रतिसाद नसल्यामुळे २८ मार्गांवर ही सेवा सुरू ठेवण्यात आली होती. मात्र, बस वाहतुकीसाठी येणारा खर्च आणि मिळणारे उत्पन्न यांचा विचार करता ५ किलोमीटर अंतरासाठी ५ रुपये तिकीट आकारणीमुळे पीएमपीचे आर्थिक नुकसान होत होते. त्यातून संचलनातील तूटही वाढत होती. त्यामुळे या २८ मार्गावरही सुरू असलेली सेवा बंद करण्याचा निर्णय पीएमपीच्या वाहतूक व्यवस्थापन विभागाने घेतला आहे. बंद करण्यात आलेल्या मार्गांवर १९ फेब्रुवारीपासून नेहमीच्या दराने तिकीट आकारणी होणार असल्याची माहिती पीएमपी प्रशासनाकडून देण्यात आली.
स्वारगेट-पुणे स्थानक-ताडीवाला रस्ता, स्वारगेट- महात्मा गांधी बसस्थानक-पुलगेट-शीतल पेट्रोल पंप, नरवीर तानाजी वाडी-डेक्कन-गोखलेनगर, नरवीर तानाजी वाडी-डेक्कन-गोखलेनगर, कोथरूड-गुजरात काॅलनी-कोथरूड स्टॅण्ड (वर्तुळ), कोथरूड-गालिंद पथ-दांगट वस्ती, कोथरूड-कर्वेनगर (गार्डन सिटी)-कर्वेनगर (वर्तुळ), कोथरूड-बावधन-कोथरूड डेपो (वर्तुळ), कात्रज-जांभुळवाडी, कात्रज-नऱ्हेगांव, कात्रज-गुजरवाडी, कात्रज-येवलेवाडी, कात्रज-वाघजाईनगर, हडपसर-सासवड रस्ता रेल्वे स्तानक, हडपसर-महंमदवाडी, हडपसर-फुरसुंगी, हडपसर-मांजरी बुद्रुक, हडपसर-संकेतविहार, मुंढवा चौक-मांजरी बुद्रुक, अप्पर डेपो- मार्केटयार्ड (सुखसागरनगर)- मार्केटयार्ड (वर्तुळ), अप्पर डेपो- कात्रज कोंढवा रस्ता- अप्पर डेपो, निगडी-रुपीनगर-निगडी, निगडी- खंडोबामाळ-चिखली, भोसरी-दिघी, भोसरी- चऱ्होली गांव-आळंदी, पिंपरी-चिंचवड गांव-वाल्हेकरवाडी, बालेवाडी- चिंचवडगांव- आकुर्डी रेल्वे स्थानक या मार्गांवरील पाच रुपयांत पाच किलोमीटर प्रवासी ही योजना बंद करण्यात येणार आहे.
