पुणे: हवेली तालुक्यातील शेतकऱ्यांची दहा लाखांची फसवणूक

पुणे: गुऱ्हाळासाठी घेतलेल्या उसाचे पैसे न देता शेतकऱ्यांची नऊ लाख ८० हजारांची फसवणूक केल्या प्रकरणी लोणीकंद पोलिसांनी एकाच्या विरोधात गुन्हा दाखल केला.  भगवान काळे (वय ५५, रा. वाळकी, ता. दौंड, जि. पुणे ) यांच्या विरोधात गुन्हा दाखल करण्यात आला आहे. याबाबत महेश परशुराम कोतवाल (वय ५५, रा. अष्टापूर, ता. हवेली) यांनी लोणीकंद पोलीस ठाण्यात फिर्याद दिली आहे. काळे शेतकऱ्यांकडून उस खरेदी करुन पुणे शहरातील रसवंतीगृह चालकांना उसाचा पुरवठा करतात. काळे यांनी तीन वर्षांपूर्वी कोतवाल यांच्यासह पाच शेतकऱ्यांकडून उस खरेदी केला होता. त्यानंतर कोतवाल यांच्यासह पाच शेतकऱ्यांचे पैसे काळे यांनी थकविले.