पुणे: वीज मीटर बसवून देण्याच्या अमिषाने फसवणूक; न्यायालयाकडून गुन्हा दाखल करण्याचे आदेश

पुणे: वीज मीटर बसवण्याची बतावणी करुन रिक्षाचालकाची फसवणूक केल्याप्रकरणी लष्कर न्यायालयाचे प्रथमवर्ग न्यायदंडाधिकारी सी.एन.ओंडरे यांनी गुन्हा दाखल करण्याचे आदेश दिले आहेत. याबाबत रज्जाक इसाक सय्यद यांनी ॲड. अफरोज एच. शेख यांच्यामार्फत न्यायालयात खासगी तक्रार दाखल केली होती. या तक्रारीवर सुनावणी झाली. त्यानंतर न्यायालयाने नितीन रमेश नाईक यांच्या विरोधात गुन्हा दाखल करून तपास करण्याचे आदेश कोंढवा पोलिसांना दिले. सय्यद यांना इमारतीमध्ये वीज मीटर बसवायचा होता. इलेक्टिक काम करणाऱ्या कामगाराच्या माध्यमातून सय्यद आणि नाईक यांची ओळख झाली होती. मी महावितरणचा ठेकेदार आहे. १५ दिवस मीटर बसवून देतो, असे आमिष नाईक यांनी सय्यद यांना दाखविले होते.