हडपसर येथील शेवाळवाडी मध्ये दोन तरुणींनी आत्महत्या केल्याच्या घटनेने खळबळ उडाली. एकीने गळफास लावून घेतला तर तिला ॲम्बुलन्समधून घेऊन जाताना त्याच ठिकाणी दुसरीने इमारतीच्या पाचव्या मजल्यावरून उडी मारुन आत्महत्या केली. आत्महत्येचे कारण समजू शकले नाही. हडपसर पोलीस तपास करीत आहेत.या दुर्दैवी घटनेमुळे परिसरात शोककळा पसरली आहे.
हेही वाचा >>> पुणे : मिळकतकरातील चाळीस टक्के सवलतीबाबत आज मुंबईत बैठक
सारिका हरिश्चंद्र भागवत (वय- १९ रा. क्रिस्टल सोसायटीकडूनच , शेवाळेवाडी) आणि आकांक्षा औदुंबर गायकवाड (वय- १९रा. मराठी शाळेसमोर शेवाळेवाडी) अशी आत्महत्या केलेल्या दोन मैत्रिणींची नावे असून शेवाळवाडी गावातील जिल्हा परिषदेच्या शाळेजवळ क्रिस्टल सोसायटी या इमारतीत सायंकाळी साडेसात वाजण्याच्या सुमारास घडला आहे.
हेही वाचा >>> पुणे : विधी अभ्यासक्रम निकालाबाबत संभ्रम
हडपसर पोलिसांकडून मिळालेल्या माहितीनुसार, आकांक्षा आणि सारिका या दोघी बाल मैत्रिणी होत्या. मंगळवारी संध्यकाळी सातच्या सुमारास सारिका हिने राहत्या घरी साडीच्या सहाय्याने गळफास घेऊन आत्महत्या केली. गळफास घेतल्याची माहिती पोलिसांना मिळताच पोलिस कर्मचारी घटनास्थळी पोहोचले होते. तिचा मृतदेह पोलीस रूग्णवाहिकेमध्ये घेऊन जात असतानाच, आकांक्षाने पहिले आणि तिने त्याच इमारतीचा पाचवा मजला गाठला. पाचव्या मजल्यावरून उडी मारली. ती रुग्णवाहिकेजवळ पडली. उंचीवरून पडल्यामुळे गंभीर जखमी झाल्याने तिचाही मृत्यू झाला. अचानक घडलेल्या घटनेमुळे एकच घबराट उडाली होती. आत्महत्येचे कारण अद्याप समजलेले नाही, अशी माहिती वरिष्ठ पोलीस निरीक्षक अरविंद गोकुळे यांनी दिली.
