पुण्यात गॅस गळती होऊन स्फोट; हॉटेल मालक थोडक्यात बचावले

सलमान अमजद खान यांना बिर्याणीची मोठी ऑर्डर मिळाली होती. त्यामुळे सकाळी लवकर त्यांनी कामाला सुरूवात केली होती. हॉटेल मालक सलमान अमजद खान आणि कारागीर बिर्याणी बनवत असताना अचानक गॅस गळती झाल्याचे समजले. आग लागणार हे समजताच सलमान खान आणि कारागीर बिर्याणी हाऊसच्या बाहेर पडले. काही क्षणातच हॉटेलला भीषण आग लागली यात हॉटेलचे मोठे नुकसान झाले. मात्र, प्रसंगावधानामुळे दोघांचेही जीव वाचले.