‘गरवारे’च्या १९७२-७३ च्या माजी विद्यार्थ्यांचा स्नेहमेळावा

आबासाहेब गरवारे महाविद्यालयाच्या कला शाखेतील १९७२-७३ च्या माजी विद्यार्थ्यांचा रविवारी (७ एप्रिल) स्नेहमेळावा आयोजित करण्यात आला आहे. महाविद्यालयाच्या सभागृहामध्ये सकाळी ११ वाजता होणाऱ्या पहिल्या सत्रात निवडक माजी विद्यार्थी मनोगत व्यक्त करणार आहेत. तर, दुपारी साडेतीन वाजता होणाऱ्या सत्रात पुणे विद्यापीठाचे माजी उपकुलगुरू डॉ. शं. ना. नवलगुंदकर यांच्या हस्ते विविध क्षेत्रात उल्लेखनीय कार्य करणाऱ्या माजी विद्यार्थ्यांना ‘आबासाहेब गरवारे महाविद्यालय भूषण पुरस्कार’ प्रदान करण्यात येणार असल्याची माहिती या स्नेहमेळाव्याचे संयोजक आणि माजी विद्यार्थी शंकर खेडेकर यांनी सोमवारी पत्रकार परिषदेत दिली.