पुणे : बिबवेवाडीतील किराणा विक्रेत्याकडून खंडणी उकळणारे गुंड गजाआड

कुंदन शिंदे, अक्षय भालके (दोघे रा. अप्पर इंदिरानगर ओटा वसाहत, बिबवेवाडी) अशी अटक करण्यात आलेल्यांची नावे आहेत. याबाबत महादेव मांगीलाल जाट (वय ३३, रा. अप्पर इंदिरानगर ओटा वसाहत, बिबवेवाडी) यांनी बिबवेवाडी पोलीस ठाण्यात फिर्याद दिली आहे. जाट यांचे ओटा वसाहत परिसरात बालाजी सुपर मार्केट किराणा माल विक्रीचे दुकान आहे. शिंदे आणि भालके सराइत गुंड आहेत. दोघेजण जाट यांच्या दुकानात गेले. या परिसरात व्यवसाय करायचा असले तर दरमहा हप्ता द्यावा लागेल, अशी धमकी दोघांनी त्यांना दिली. दोघांनी जाट यांना कोयत्याचा धाक दाखवून गल्ल्यातील १८०० रुपये घेतले.

आणखी वाचा

जीएम सोयाबीन विना तेलबिया मिशन संकटात

Sushma Andhare : “माझी प्रिय भावजय” म्हणत सुषमा…

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त

‘गिग’ कामगारांनी साजरी केली ‘काळी दिवाळी’! त्यांच्या असंतोषाचे कारण काय? सामाजिक सुरक्षेचा लाभ किती?

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

आजारी साखर कारखान्यांवर अजित पवार गटाचाही कब्जा; अमित शहांच्या आरोपानंतर विरोधी नेत्यांसह सत्ताधारी गटाचीही चर्चा

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

त्यानंतर आरोपी शिंदे आणि भालके पुन्हा जाट यांच्या दुकानात आले. त्यांनी जाट यांच्याकडे दोन हजार रुपये मागितले. जाट यांनी पैसे देण्यास नकार दिल्यानंतर आरोपींनी दहशत माजविली. आम्ही या परिसरातील भाई असून पैसे न दिल्यास जीवे मारु, अशी धमकी देऊन जाट यांच्यावर कोयता उगारला. घाबरलेल्या जाट यांनी पोलिसांकडे तक्रार दिली. पोलिसांनी पसार झालेल्या आरोपींना अटक केली. सहायक पोलीस निरीक्षक आदलिंग तपास करत आहेत.