हडपसरमध्ये चालणार ‘एम’ फॅक्टर ! बंडखोर उमेदवाराच्या मतांंवर विजयाचा कौल

शहरातील आठ विधानसभा मतदारसंघांपैकी सर्वात अधिक मतदार असलेला मतदारसंघ म्हणून हडपसर मतदारसंघाची ओळख आहे. या मतदारसंघात ६ लाख २५ हजार मतदार आहेत. मागील निवडणुकीच्या तुलनेत या निवडणुकीत मतदारांची संख्या एक लाख २० हजाराने वाढली असून मतदानाच्या टक्क्यातही वाढ झाली आहे. २०१९ मध्ये हडपसरमध्ये ४७.२३ टक्के मतदान झाले होेते. या निवडणुकीत ते ५०.११ टक्क्यांवर गेले आहे. तीन टक्के मतदान वाढले असले तरी शहराच्या इतर मतदारसंघाच्या तुलनेत मात्र सर्वात कमी मतदान याच मतदारसंघात झाले आहे.

नक्की वाचा

Vanchit Bahujan Aghadi : निकालाआधीच वंचितचा मोठा निर्णय, पाठिंब्याबाबतची भूमिका जाहीर!

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Sanjay Raut : “आमच्या वाट्याला बहुमत आलं तरी…”, संजय राऊतांचा गंभीर दावा; म्हणाले…

महायुतीची सत्ता आल्यास एकनाथ शिंदे मुख्यमंत्री होणार? शिवसेना नेत्यांची मोर्चेबांधणी; भाजपाचाही पाठिंबा?

Sanjay Raut on CM : “मुख्यमंत्री पदाचा निर्णय महाराष्ट्रातच घेणार”, संजय राऊत थेट इशारा; म्हणाले, “दिल्लीतून…”

Madhurima Raje : सतेज पाटील ज्यांच्यामुळे ढसाढसा रडले त्या मधुरिमा राजे कोण आहेत?

Maharashtra Vidhan Sabha Election 2024: “आर. आर. आबा आता हयात नाहीत, पण एवढंच सांगतो की…”, देवेंद्र फडणवीसांचं अजित पवारांच्या दाव्यावर उत्तर!

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

हेही वाचा – प्रतिष्ठेच्या लढतीत कोण बाजी मारणार?

महायुतीकडून राष्ट्रवादी (अजित पवार) पक्षाचे चेतन तुपे, महाविकास आघाडीकडून राष्ट्रवादी (शरद पवार) पक्षाचे प्रशांत जगताप, मनसेकडून साईनाथ बाबर तर शिवसेना (ठाकरे) पक्षाचे बंडखोर गंगाधर बधे अपक्ष म्हणून निवडणुकीच्या रिंगणात होते. मागील निवडणुकीत तुपे यांनी भाजपचे उमेदवार योगेश टिळेकर यांचा अवघ्या पावणेतीन हजार मतांनी पराभव केला होता. या निवडणुकीत मनसे, एमआयएम, वंचित बहुजन आघाडीच्या उमेदवारांना मिळालेली मते तुपे यांच्या विजयासाठी महत्त्वपूर्ण ठरली होती. मोरे यांना ३५ हजार, एमआयएमच्या उमेदवाराला ८ हजार तर वंचितच्या उमेदवाराला साडेसात हजार मते मिळाली होती.

आमदार तुपे यांनी पराभव केलेले टिळेकर या निवडणुकीत तुपे यांच्या बरोबर होते. तर अपक्ष म्हणून निवडणूक लढविणारे शिवसेना (ठाकरे) पक्षाचे शिवसैनिक बधे यांना शिवसेनेचे माजी आमदार महादेव बाबर यांनी पाठिंबा देत त्यांच्या प्रचाराची धुरा सांभाळली होती. त्यामुळे महाविकास आघाडीकडून निवडणूक लढविणारे प्रशांत जगताप यांच्या अडचणी वाढल्या. मनसे आणि अपक्ष उमेदवार या निवडणुकीत कोणाची मते घेणार यावर या मतदारसंघाचा विजय अवलंबून आहे.

हेही वाचा – ‘मावळ पॅटर्न’ यशस्वी होणार का?

‘एम’ फॅक्टर चा फायदा कोणाला?

हडपसरमध्ये ज्येष्ठ नेते शरद पवार यांना मानणारा वर्ग मोठा आहे. या मतदारसंघात मराठा, माळी, मुस्लिम आणि मराठवाडा असा ‘एम’ फॅक्टर चालतो. हा वर्ग कोणाच्या मागे उभा राहिला, हे निकालाच्या दिवशी स्पष्ट होणार आहे. हडपसरमध्ये प्रत्येकवेळी नवीन आमदार होतो, अशी परंपरा आहे. त्यामुळे या निवडणुकीत देखील ही परंपरा सुरू राहणार की दोनवेळा आमदार होण्याचा नवीन इतिहास घडणार हे शनिवारी मतमोजणीच्या दिवशी स्पष्ट होणार आहे.