पिंपरी-चिंचवडवर आणखी पाणी कपातीची टांगती तलवार, पवना धरणात एवढेच पाणी शिल्लक

पिंपरी-चिंचवड शहराला मावळातील पवना आणि आंद्रा धरणातून पाणीपुरवठा केला जातो. महापालिका दिवसाला पवनातून ५१०, चिखलीतील जलशुद्धीकरण केंद्रातून ५० आणि औद्योगिक विकास महामंडळाकडून २० असे ५८० दशलक्ष लिटर (एमएलडी) पाणी उचलते. पाणीपुरवठ्याच्या वाढत्या तक्रारींमुळे सर्व भागाला समान पाणीपुरवठा करण्यासाठी महापालिकेने २५ नोव्हेंबर २०१९ पासून एक दिवसाआड पाणीपुरवठा सुरू केला. साडेतीन वर्षांपासून दिवसाआड पाणीपुरवठा सुरू असून पाण्याच्या तक्रारींमध्ये मोठ्या प्रमाणात घट झाली आहे. उंचावरील भागातील पाणीपुरवठा सुरळीत झाला. कमी दाबाने, पुरेशा पाणी येण्याच्या तक्रारी पूर्णपणे घटल्या आहेत.

आणखी वाचा

ठाणे : “पाणीपुरवठा सुरळीत होईपर्यंत मागे हटणार नाही”, संतप्त नागरिकांचा पाणीपुरवठा कार्यालयात ठिय्या

…तर औषधाची गरजच नाही! वाचा निरोगी आयुष्य जगण्यासाठी…

आम्हाला देण्यासाठी पाणी नाही मग, टँकरचालकांना कसे मिळते; घोडबंदरवासियांनी विचारला पालिका अधिकाऱ्यांना सवाल

अवाढव्य वाढलेल्या ठाण्याची तहान वाढीव पाणी पुरवठा भागवेल का?

सर्वोच्च न्यायालयाच्या आदेशाची अंमलबजावणी होणार, अनधिकृत बांधकामांना पाणी न देण्याचा पालिकेचा निर्णय

वीजदरवाढ तूर्तास टळली, ‘डीसल्फरायझेशन’ची सक्ती दोन वर्षे लांबणीवर गेल्याने दिलासा

मानव-वन्यजीव संघर्ष कमी करण्याचा मार्ग चंद्रपुरातूनच – वनमंत्री

नवी मुंबई एमआयडीसीतील सेवा रस्ता लगतचे भूखंड देणे घातक, वनमंत्री गणेश नाईक यांचे विधान

हेही वाचा – हापूस तुटवडय़ाने कॅनिंग उद्योग अडचणीत

चढावरील भागातील पाणीपुरवठा बंद झाल्यानंतर ते पाणी उताराकडील भागात जात होते. त्यामुळे उतारावरील लोकांचा पाण्याचा अनावश्यक वापर वाढत होता. आता अनावश्यक पाणी वापर बंद झाला आहे. उन्हाळ्यामध्ये पाणी पुरवठ्याच्या तक्रारींमध्येदेखील मोठ्या प्रमाणात घट झाली. शहरातील लोकसंख्येत ज्या प्रमाणात वाढ होत आहे. त्या प्रमाणात पाण्याची उपलब्धता वाढत नाही. पाण्याची उपलब्धता वाढत नसल्याने एक दिवसाआडच पाणीपुरवठा सुरू ठेवावा लागणार असल्याचे पाणीपुरवठा विभागाने सांगितले.

जुलैअखेरपर्यंत पुरेल एवढा साठा

शहरवासीयांची तहान भागविणाऱ्या पवना धरणातील पाणीसाठा २०.४० टक्क्यांवर आला आहे. जुलैअखेरपर्यंत पुरेल एवढा हा साठा असून गतवर्षी आजच्या तारखेला २२.०६ टक्के पाणीसाठा होता. गतवर्षीच्या तुलनेत यंदा कमी पाणीसाठा आहे. पावसाने ओढ दिली आहे. त्यामुळे नागरिकांनी पाण्याचा जपून वापर करण्याचे आवाहन पाटबंधारे विभागाने केले.

हेही वाचा – ‘भारत गौरव यात्रे’त महाराष्ट्र अभावानेच; रेल्वेचे उत्तर, दक्षिण भारतालाच प्राधान्य, राज्यातील मोजक्या स्थळांचा समावेश

दिवसाआड पाणीपुरवठ्यामुळे शहरातील सर्वच भागात समान पाणीपुरवठा झाला. त्यामुळे पाणीपुरवठ्याच्या तक्रारींमध्ये घट झाली आहे. महापालिका दिवसाला ५८० दशलक्ष लिटर (एमएलडी) पाणी पुरवठा करत आहे. वाढती लोकसंख्या आणि पाण्याची उपलब्धता पाहता दिवसाआडच पाणीपुरवठा कायम ठेवला जाणार आहे. – श्रीकांत सवणे, सह शहर अभियंता, पाणीपुरवठा विभाग, पिंपरी-चिंचवड महापालिका

धरणात २०.२४ टक्के पाणीसाठा आहे. हा पाणीसाठा जुलैअखेरपर्यंत पुरेल एवढा आहे. नागरिकांनी पाण्याचा जपून वापर करावा. – समीर मोरे, शाखा अभियंता, पवना धरण