पुणे : मुळशीतील शेतकऱ्याला पिस्तुलाचा धाक दाखविल्याप्रकरणी येरवडा कारागृहात असलेल्या मनोरमा खेडकर यांच्या जामीन अर्जावर गुरुवारी (१ ऑगस्ट) सुनावणी होणार आहे.
हेही वाचा – पुणे : मुठा नदीपात्रात शाळकरी मुलगा बुडाला
हेही वाचा – मधुमेहींच्या जखमांवर आता प्रभावी उपचार! पुण्यातील कंपनीनं शोधलं नवीन औषध
शेतकऱ्याला पिस्तुलाचा धाक दाखविल्याप्रकरणी प्रशिक्षाणार्थी अधिकारी पूजा खेडकर यांची आई मनोरमा, वडील दिलीप यांच्यासह सात जणांविरुद्ध पौड पोलीस ठाण्यात गुन्हा दाखल करण्यात आला. गुन्हा दाखल झाल्यानंतर पसार झालेल्या मनोरमा यांना ग्रामीण पोलिसांच्या पथकाने महाड परिसरातून अटक केली. दिलीप यांना नुकताच जामीन मंजूर करण्यात आला. मनोरमा यांची न्यायालयीन कोठडीत रवानगी करण्यात आली असून, सध्या त्या येरवडा कारागृहात आहेत. या गुन्ह्यात जामीन मिळवण्यासाठी मनोरमा यांनी त्यांच्या वकिलांमार्फत अर्ज केला होता. त्यांच्या जामीन अर्जावर सोमवारी सुनावणी होती. मात्र, काही कारणास्तव सुनावणी झाली नाही. खेडकर यांच्या जामीन अर्जावर गुरुवारी सुनावणी होणार आहे.
