हिंजवडी ते शिवाजीनगर मेट्रोचे काम वेगाने, एक हजार पाईलिंगचे काम यशस्वी

पुणे महानगर प्रदेश विकास प्राधिकरणाकडून (पीएमआरडीए) हिंजवडी ते शिवाजीनगर मेट्रो प्रकल्प राबविण्यात येत आहे. या प्रकल्पाचे काम टाटा समूहाची विशेष वहन कंपनी असलेल्या पुणे आयटी सिटी मेट्रो रेल लि.कडून (पीआयसीटीएमआरएल) करण्यात येत आहे. या मार्गिकेवर आजपर्यंत तब्बल १२ हजार १४७ रनिंग मीटरचे बॅरीकेडींगचे काम पूर्ण झाले आहे. त्या जोडीला एकूण २२ खांबांची उभारणी पूर्ण झाली आहे. स्थानकासाठी बनवल्या जाणाऱ्या पाईल कॅप्ससह खांबांच्या पाईल कॅप्सची एकूण संख्या आता ८६ झाली आहे, अशी माहिती पुणे आयटी सिटी मेट्रो रेल लिमिटेडचे मुख्य कार्यकारी अधिकारी आलोक कपूर यांनी दिली.