होनाजी तरुण मंडळाची नवी ‘संहारक गणेश मूर्ती’ गणेश जयंतीला प्रतिष्ठापना

राक्षसाचा संहार करणारे गणनायक अशा पुण्यातील वैशिष्ट्यपूर्ण गणेश मूर्तींमध्ये श्रीमंत भाऊसाहेब रंगारी ट्रस्ट, छत्रपती राजाराम मंडळ, हत्ती गणपती मंडळ, खडीचे मैदान येथील तरवडे गणपती आणि होनाजी तरुण मंडळ अशा गणेश मूर्तींचा समावेश होतो. होनाजी तरुण मंडळाच्या गणेश मूर्तीमध्ये राक्षसाचा संहार करतानाचा आवेश आणि गणरायाच्या चेहऱ्यावरील हावभाव साकारणे हे शिवधनुष्य पेलण्याचे खडतर काम गणरायानेच माझ्याकडून करून घेतले, अशी भावना शिल्पकार विराज खटावकर यांनी व्यक्त केली.

अशी घडली नवी गणेश मूर्ती

गणपतीच्या मूर्तीचे थ्री डी स्कॅन करून संगणकावर प्रतिमा साकारण्यात आली

प्लॅस्टर ऑफ पॅरिसचा साचा तयार करून त्यामध्ये इपोक्सी पॉलिस्टर रेझिनच्या द्रावणाचे ओतकाम करण्यात आले.

फायबर ग्लासमध्ये मूर्ती साकारण्यात आली.

इपोक्सी पॉलिस्टर रेझिनच्या द्रावणाचे ओतकाम केल्यामुळे ऊन आणि पावसाचा कोणताही परिणाम या मूर्तीवर होणार नाही.

या नव्या गणेश मूर्तीला किमान दोनशे वर्षे काहीही होणार नाही. या मूर्तीला रंगकाम करण्याची गरज भासणार नाही.