पुणे: सिंहगड रस्ता भागात घरफोडी करणारा चोरटा गजाआड; अडीच लाखांचा ऐवज जप्त

सिंहगड रस्ता भागात भरदिवसा घरफोडी करणाऱ्या चोरट्याला पोलिसांनी गजाआड केले. त्याच्याकडून घरफोडीचे चार गुन्हे उघडकीस आले असून दोन लाख ५७ हजारांचा ऐवज जप्त करण्यात आला आहे.शशिकांत उर्फ बिल्डर अनंत माने (वय २७ रा. कुंजीरवाडी, म्हातोबाची आळंदी, ता. हवेली, मूळ रा. पोलादपूर ) असे अटक केलेल्या चोरट्याचे नाव आहे. धायरी भागात काही दिवसांपूर्वी भरदिवसा घरफोडी झाली होती. घरफोडी करणारा चोरटा सिंहगड रस्ता परिसरात थांबल्याची माहिती तपास पथकातील पोलीस कर्मचारी देवा चव्हाण आणि सागर शेडगे यांना मिलाली. हिंगणे खुर्द परिसरात सापळा लावून त्याला पकडले.