“…तेव्हापासून मी संसदेत जायला घाबरतो”; शरद पवारांनी सांगितलं कारण, PM मोदींच्या ‘त्या’ विधानाचा उल्लेख करत म्हणाले…

यावेळी सुशीलकुमार शिंदे यांनी “मी शरद पवार यांच्या तालमीत तयार झालो” असं विधान केलं. याच विधानावरून शरद पवारांनी पंतप्रधान मोदींना अप्रत्यक्ष टोला लगावला. त्यांनी नरेंद्र मोदी यांच्या एका विधानाचा उल्लेखही केला.

हेही वाचा- ‘शरद पवारांच्या तालमीत तयार झालोय’ असं सुशीलकुमार शिंदे म्हणताच शरद पवार म्हणाले “मला भीती वाटतेय…”

शरद पवार आपल्या भाषणात म्हणाले, “आता बोलता-बोलता सुशीलकुमार शिंदे म्हणाले की, ‘मी शरद पवारांच्या तालमीत तयार झालो आहे.’ पण असं कुणीतरी म्हटलं की मला भयंकर भीती वाटते. कारण याआधी कोणीतरी म्हटलं होतं की, मी शरद पवार यांचं बोट धरून राजकारणात आलोय. तेव्हापासून मी दिल्लीच्या संसदेत जाण्यासाठी घाबरतो,” असं विधान शरद पवारांनी केलं आहे. शरद पवारांच्या या विधानानंतर सभागृहात एकच हशा पिकला. त्यांनी पंतप्रधान नरेंद्र मोदी यांचं नाव न घेता हा टोला लगावला आहे. ते पिंपरी येथे आयोजित केलेल्या जागतिक मराठी संमेलनात बोलत होते.

हेही वाचा- विधान परिषद निवडणूक: बच्चू कडूंचा शिंदे-फडणवीस सरकारला धक्का, विश्वासात न घेतल्याने उचललं मोठं पाऊल

यावेळी जेष्ठ अभिनेते मोहन आगाशे यांना जागतिक मराठी पुरस्काराने गौरविण्यात आले. या कार्यक्रमाला डॉ. पी. डी. पाटील, संमेलनाध्यक्ष डॉ. ज्ञानेश्वर मुळे, सुशीलकुमार शिंदे, अभिनेते सयाजी शिंदे, नागराज मंजुळे, खासदार श्रीनिवास पाटील आदी मान्यवर उपस्थित होते.