पुणे : कसबा आणि चिंचवड विधानसभा मतदार संघाची पोटनिवडणुकीच्या पार्श्‍वभूमीवर आज पुण्यात राष्ट्रवादी काँग्रेस पक्षाचे नेते, विरोधी पक्षनेते अजित पवार यांच्या अध्यक्षतेखाली बैठकीचे आयोजन करण्यात आले होते. त्यापूर्वी अजित पवार यांनी प्रसार माध्यमांशी त्यांनी संवाद साधला. पुन्हा एकदा अटक होऊ शकते अशी शक्यता जितेंद्र आव्हाड यांनी व्यक्त केली आहे त्या प्रश्नावर अजित पवार यांनी प्रतिक्रिया दिली आहे. ” यापूर्वी जितेंद्र आव्हाड यांच्यावर दोन गुन्हे दाखल झाले होते. त्यावेळी मी आणि जयंत पाटील यांनी जितेंद्र आव्हाड यांची भेट घेऊन चर्चा केली होती. कोणी सत्तेत तर कोणी विरोधक असू शकते. आमचं अडीच वर्ष सरकार होते. त्यावेळी सध्याचे सत्ताधारी विरोधी बाकावर होते. आत्ताचे सत्ताधारी म्हणतात की आमच्यातील काही लोकांना अडकविण्याचा प्रयत्न केला. काही अधिकाऱ्यांकडून माहिती मिळाल्याचं त्यांच्याकडून सांगण्यात आलं आहे. पण मी ३० ते ३२ वर्ष राजकीय जीवनात आहे. मी सत्तेमध्ये असताना त्याचा कधीच गैरवापर करून कोणालाही जाणीवपुर्वक अडचणीत आणण्याचा प्रयत्न केला नाही ” असं सांगत अजित पवार यांनी सत्ताधाऱ्यांना त्यांनी टोला लगावला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
