“दर्शनाच्या हत्येनंतर आरोपी राहुल केवळ फरारच झाला नाही, तर त्याने प्रवासात…”, तपासात धक्कादायक खुलासे

पुणे-सांगली-गोवा-चंदीगड-हावडा; मृतदेह आढळल्यानंतर आरोपीचा ठिकठिकाणी प्रवास

पोलिसांनी दिलेल्या माहितीनुसार, आरोपी राहुल हंडोरेने केवळ पळून जाण्याचा प्रयत्न केला नाही, तर त्याने पोलिसांची दिशाभूल व्हावी म्हणून प्रयत्न केले. १८ जूनला दर्शनाचा मृतदेह आढळल्यानंतर राहुल हंडोरेने पुणे सोडलं आणि रेल्वेने प्रवास करण्यास सुरुवात केली. तो आधी सांगलीला गेला. तेथून तो गोव्याला गेला. आरोपी राहुल गोव्यातच थांबला नाही, तर पुढे चंदीगड आणि तेथून पश्चिम बंगालमधील हावडा येथे गेला.

आणखी वाचा

कोथरूडमध्ये अनैतिक संबंधातून तरूणाचा खून, पोलिसांकडून संशयित आरोपी ताब्यात

Maharashtra Politics : नाराज एकनाथ शिंदे भाजपासाठी अडचणीचे?

Ajit Pawar : “जर कुणी खंडणी मागितली तर…”, अजित पवारांनी बीडमध्ये स्पष्टच सांगितलं; म्हणाले, “काही लोक रिवॉल्व्हर…”

Suresh Dhas : संतोष देशमुख हत्या प्रकरणात फरार झालेला कृष्णा आंधळे कोण? सुरेश धस यांनी दिली महत्त्वाची माहिती

विश्लेषण : मुंबईत आयटी तरुणी हत्या, बलात्कार प्रकरणात तपासातील त्रुटींमुळे आरोपी निर्दोष… नेमके प्रकरण काय होते?

सिद्दिकी हत्येप्रकरणी पुन्हा चौकशी करा,झिशानला माहीत असलेले सत्य बाहेर येईल; अनिल परब

पुरावे असल्याशिवाय कोणतीही कारवाई नाही; अजित पवारांचा धनंजय मुंडेंना पुन्हा दिलासा

भाजपाच्या माजी आमदाराला अटक, अपक्ष आमदाराला मारहाण केल्याप्रकरणी कारवाई

पोलिसांची दिशाभूल करण्यासाठी प्रयत्न

वरवर पाहता आरोपी राहुलचा हा प्रवास मोघम वाटत असला, तरी तो तसा नव्हता. त्याने पोलिसांची दिशाभूल करण्यासाठी प्रयत्न केले. तो हावड्यावरून मुंबईला आला. या संपूर्ण रेल्वे प्रवासात त्याचा मोबाईल बंद होता.

हेही वाचा : VIDEO: आधी प्रेमसंबंध, नंतर ब्रेक अप, आता दर्शना अधिकारी झाल्यावर लग्नाची मागणी अन् हत्या? पोलीस म्हणाले…

कुटुंबाला आणि मित्रांना पाचवेळा कॉल

आरोपी राहुल हंडोरेने या काळात इतरांकडून फोन घेऊन आपल्या कुटुंबाला आणि मित्रांना पाचवेळा कॉल केले. तो प्रवासात स्थानिक लोकांकडे मदतीची विनंती करत कुटुंबाला कॉल करण्यासाठी फोन करायचा. पोलिसांना त्याच्या कुटुंबाकडून या नंबरवरची माहिती मिळाल्यानंतर या नंबरवर पुन्हा कॉल करण्यात आले. त्यानंतर या प्रवाशांनी रेल्वेने प्रवास करणाऱ्या आणि कुटुंबाला कॉल करण्यासाठी फोन मागणाऱ्या राहुल हंडोरेची माहिती दिली.

कुटुंबाला कॉल करून लगेच ठिकाण बदलायचा

या सर्व घटनाक्रमावरून हंडोरे केवळ फरार झाला नाही, तर त्याने पोलिसांना त्याचा माग लागू नये म्हणून प्रयत्न केले. त्याने प्रवासात लोकांकडे अन्न मागून खाल्लं. पोलिसांनी त्याच्या कॉलच्या आधारे तो कुठे आहे हे शोधून तपास पथकं पाठवली असती, तरी ते प्रयत्न अपयशी ठरले असते असा त्याने प्रयत्न केला. कारण तो इतरांच्या फोनवरून कॉल करून लगेच ठिकाण बदलायचा, अशीही माहिती पोलिसांनी दिली.

हेही वाचा : दर्शना अहमदनगरची, तर आरोपी राहुल नाशिकचा; मग दोघांची लहानपणापासून ओळख कशी? पोलिसांनी सांगितलं नेमकं कारण

ट्रेकला जाताना आरोपी राहुलने कटर किंवा ब्लेड नेलं?

अखेर आरोपी राहुल हंडोरे मुंबईतील अंधेरी रेल्वे स्टेशनवर येणार असल्याची माहिती समजल्यानंतर त्याला अटक करण्यात पोलिसांना यश आलं. तो अंधेरीहून पुण्याला येणार होता. दरम्यान, दर्शना पवारबरोबर ट्रेकला जाताना आरोपी राहुलने कटर किंवा ब्लेड नेलं होतं का याचाही पोलीस तपास करत आहेत.