कोथरुडमध्ये कचरावेचक महिलेला मारहाण करुन अंगावर पाळीव श्वान सोडले; महिलेसह तिघांविरुद्ध गुन्हा

याबाबत लक्ष्मी गायकवाड (वय ६५, रा. जयभवानीनगर, कोथरुड) यांनी कोथरुड पोलीस ठाण्यात फिर्याद दिली आहे. या प्रकरणी सुप्रिया संजय कांबळे (वय २३, रा. कोथरुड), हिच्यासह तिचा भाऊ आणि वडिलांच्या विरुद्ध गुन्हा दाखल करण्यात आला आहे. लक्ष्मी गायकवाड कचरावेचक आहेत. कांबळे हिच्या घरातील कचरा गायकवाड यांनी उचलला नाही. त्यामुळे सुप्रियाने जाब विचारला. तुम्ही कचरा का उचलला नाही, असे तिने विचारले. तेव्हा तीन महिने कचरा उचलण्याचे पैसे दिले नाही, असे गायकवाड यांनी तिला सांगितले. या कारणावरुन सुप्रियाने गायकवाड यांच्याशी वाद घातला.

आणखी वाचा

कुर्ला बस अपघात: मृत महिलेचे दागिने चोरणाऱ्याविरोधात अखेर गुन्हा दाखल

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

जन्मदात्या आईकडूनच मुलाची हत्या

नागपूर : अनैतिक संबंध! बडतर्फ पोलीस कर्मचाऱ्याने प्रेयसीचा गळा आवळला, मृतदेहाची विल्हेवाट लावण्यासाठी…

नाकाबंदीत मोटारचालकाने महिला पोलीस हवालदाराला फरफटत नेले

पुणे : महिलेशी अश्लील कृत्य करणाऱ्या मोटारचालकावर गुन्हा

मुंबई : मालमत्तेच्या वादातून ३६ वर्षीय व्यक्तीची हत्या, दोघांना अटक

एकतर्फी प्रेमातून कबड्डीपटू शाळकरी मुलीचा खून करणाऱ्या आरोपीला फिर्यादीने ओळखले, न्यायालयीन सुनावणीत फिर्यादीची साक्ष

तिने दांडक्याने गायकवाड यांना मारहाण केली. घरातील पाळीव श्वान गायकवाड यांच्या अंगावर सोडले. श्वानाने गायकवाड यांचा चावा घेतला. सुप्रियाच्या वडिलांनी मारहाण केल्याचे गायकवाड यांनी फिर्यादीत म्हटले आहे. गायकवाड यांनी पोलिसांकडे तक्रार दिल्यानंतर या प्रकरणी गुन्हा दाखल करण्यात आला, असे कोथरुड पोलीस ठाण्याचे वरिष्ठ पोलीस निरीक्षक हेमंत पाटील यांनी सांगितले.