नारायणगावमध्ये टोमॅटोला प्रति किलो एक रुपये भाव, शेतकऱ्यांकडून बाजार समिती आवारात टोमॅटो फेकून निषेध

नारायणगाव उपबाजार केंद्रात बुधवारी काही शेतकरी आपले टोमॅटो विक्रीसाठी घेऊन आले होते.  मात्र अनेक व्यापाऱ्यांनी टोमॅटोच्या प्रतवारीनुसार २० किलोच्या एका क्रेटला २० ते ४० रुपये बाजारभाव सांगितल्याने संतप्त झालेल्या शेतकऱ्यांनी टोमॅटो बाजार समितीच्या आवारात फेकून दिले. बाजार समितीचे संचालक माऊली खंडागळे, भास्कर गाडगे, संतोष चव्हाण, प्रियंका शेळके, माजी सभापती रघुनाथ लेंडे ,संतोष खैरे, बाजार समितीचे सचिव रुपेश कवडे, चेतन रुकारी ,उपसचिव शरद धोंगडे यांनी शेतकऱ्यांची भेट  घेतली.

आणखी वाचा

कोथिंबिरेच्या दरात घट; मेथी तेजीत, फळभाज्यांचे दर स्थिर

Nana Patole : निकालाआधी राजकीय घडामोडींना वेग; यातच…

निवडणुकीपुरते  शेतकऱ्यांना चुचकारण्याचे धोरण

विश्लेषण: सोयाबीनच्या हमीभावावरून शेतकऱ्यांची नाराजी का? ७० हून अधिक मतदारसंघांमध्ये ठरणार निर्णायक मुद्दा?

मुंबईत निवडणुकीपर्यंत प्रदूषणाचा त्रास; मनुष्यबळाअभावी पालिकेची यंत्रणा हतबल

भाज्यांमधील किंमतवाढ ६३.०४ टक्क्यांवर; घाऊक महागाई दराचाही चार महिन्यांतील सर्वोच्च स्तर

शंभरी गाठलेल्या कांद्यामुळे ग्राहक जेरीस, जाणून घ्या, शेतकऱ्यांना किती दर मिळतो, ग्राहकांना किती रुपये मोजावे लागतात

आवक वाढल्याने भाज्यांच्या दरात घसरण

हेही वाचा >>> पुणे: सिंहगडाच्या परिसरात प्रागैतिहासिक काळापासून मानवाचे अस्तित्व? खडकावरील रेखाटने उजेडात

बाजार समितीमध्ये सकाळी टोमॅटोच्या २० किलोच्या क्रेटला ६० ते १५० रुपये भाव देण्यात आला. मात्र, दुपारी २० ते ४० रुपये दराने टोमॅटोची खरेदी करण्यात येत असल्याचा आरोप शेतकऱ्यांनी केला. दरम्यान, मुजोरपणाने वागणाऱ्या व्यापाऱ्यांचे परवाने रद्द करण्यात येतील, असा इशारा संचालक माऊल खंडागळे यांनी दिला. शेतकरी आणि व्यापारी यांची बैठक घेऊन समस्या सोडविण्यात येईल, असेही खंडागळे यांनी सांगितले. तर टोमॅटोची अवाक वाढली आहे. सूचनांचे पालन न करणाऱ्यांचे परवाने रद्द करण्यात येतील, असे बाजार समितीचे उपसचिव शरद धोंगडे यांनी सांगितले.