पुणे: मध्य रेल्वेने ऑक्टोबर महिन्यात ७३.५ लाख टन मालाची वाहतूक केली आहे. मागील वर्षीच्या तुलनेत त्यात २३ टक्के वाढ नोंदविण्यात आली आहे. यंदा ऑक्टोबरमध्ये मध्य रेल्वेने मालवाहतुकीतून ८०२ कोटी रुपयांचे उत्पन्न मिळविले आहे.
मध्य रेल्वेने ऑक्टोबर महिन्यात ७३.५ लाख टन मालवाहतूक केली. मागील वर्षी ऑक्टोबर महिन्यात मालवाहतूक ५९.७ लाख टन होती. त्यात तुलनेत आता २३.०१ टक्के वाढ नोंदविण्यात आली आहे. आतापर्यंतच्या ऑक्टोबर महिन्यातील ही सर्वाधिक मालवाहतूक ठरली आहे.
मध्य रेल्वेने एप्रिल-ऑक्टोबर या कालावधीत ४.९० कोटी टन मालवाहतूक केली आहे. मागील वर्षी याच कालावधीत ते ४.३९ कोटी टन होते. त्यात आता ११.५० टक्के वाढ नोंदविण्यात आली. याचबरोबर ऑक्टोबरमध्ये मध्य रेल्वेने ८०२ कोटी रुपयांचे उत्पन्न मिळविले आहे. मागील वर्षी ऑक्टोबरमध्ये ते ६३६ कोटी रुपये होते. यंदा त्यात २६.१० टक्के वाढ झाली आहे.
