“काही जणांना खासदार व्हायचंय”, अजित पवार संजोग वाघेरेंची नाराजी दूर करणार?

पिंपरी- चिंचवड : पिंपरी- चिंचवड हा अजित पवारांचा बालेकिल्ला आहे, असं नेहमीच म्हटलं जातं. मात्र याच बालेकिल्ल्यातून आता अजित पवारांना एक- एक धक्का बसत असल्याचं समोर येत आहे. राष्ट्रवादी काँग्रेस पक्षाचे माजी शहराध्यक्ष तथा माजी महापौर संजोग वाघेरे हे शिवसेना ठाकरे गटाच्या वाटेवर आहेत. त्यांनी मातोश्रीवर जाऊन उद्धव ठाकरे यांची भेट घेतली आणि तसा इशारा दिला आहे. याबाबत राज्याचे उपमुख्यमंत्री अजित पवार यांची प्रतिक्रिया समोर आली असून महाविकास आघाडीला उमेदवार मिळत नसल्याने ते अशा प्रकारे वेगवेगळ्या पक्षातील उमेदवार घेत असल्याचा टोला त्यांनी उद्धव ठाकरे गटाला लगावला आहे. याबाबत मी संजोग वाघेरे सोबत लवकर चर्चा करणार असल्याचे त्यांनी म्हटले आहे. कुठल्या पक्षात जायचे आणि कुठल्या पक्षात थांबायचे यासाठी व्यक्ती आणि मत स्वातंत्र्य असल्याचे देखील अजित पवारांनी म्हटले आहे. ते सोमवारी पिंपरी- चिंचवडमध्ये बोलत होते.

हेही वाचा : पिंपरी-चिंचवडचे माजी महापौर ठाकरे गटात? संजोग वाघेरे, उद्धव ठाकरे भेटीमुळे अजित पवारांना धक्का, उपमुख्यमंत्री म्हणाले…

आणखी वाचा

Manikrao Kokate : पालकमंत्री पदाचा तिढा कधी सुटणार? अजित पवार गटाच्या नेत्याचं मोठं विधान; म्हणाले, “आता निर्णय…”

…तर औषधाची गरजच नाही! वाचा निरोगी आयुष्य जगण्यासाठी…

नागपूर : ‘थ्री इडियट’ फेम सोनम वांगचुक म्हणाले, “विकास करतोय याचा अहंकार नको…”

NCP : ‘प्रदेशाध्यक्षांसह सर्वांचे राजीनामे घ्या’, शरद पवारांसमोरच कार्यकर्त्याची जयंत पाटलांच्या राजीनाम्याची मागणी, नेमकं काय घडलं?

शरद पवारांनी संघाचे कौतुक करताच अजित पवारांच्या ‘या’ आमदाराने व्यक्त केली खंत, म्हणाले…

Bajrang Sonawane : अजित पवारांच्या पक्षाकडून ऑफर आली का? विचारताच बजरंग सोनावणे म्हणाले, “आम्ही आठही खासदार….”

Rohit Pawar : अजित पवार गटाकडून शरद पवारांच्या खासदारांना ‘ऑफर’? रोहित पवारांची मोठी प्रतिक्रिया; म्हणाले, “अधिवेशन होतं तेव्हा…”

Sharad Pawar NCP: सुप्रिया सुळे वगळता शरद पवार गटाच्या ७ खासदारांना होती अजित पवार गटाकडून ‘ऑफर’, पडद्यामागे घडतंय काय?

अजित पवार म्हणाले, राजकारणात कोण कोणाच्या भेटी घेतो हे राजकारणात पहिल्यापासूनच आहे. शिवसेना, राष्ट्रवादी काँग्रेस आणि भाजप या पक्षातून उमेदवारी कोणाला मिळेल याची चाचपणी एखाद्याने केली असेल. काही जणांना खासदार व्हायचं आहे. या पक्षात तिकीट नाही मिळालं तर त्या पक्षात तिकीट मिळेल का? या हेतूने काही जण गेले असतील. माझं त्यांच्यासोबत काही संभाषण झालेलं नाही. संजोग वाघेरे आणि उद्धव ठाकरे यांचा फोटो मी एकत्र बघितलेला आहे. संजोग वाघेरे सोबत याबाबत मी चर्चा करणार आहे. प्रत्येकाला व्यक्ती आणि मत स्वातंत्र्य आहे. महाविकास आघाडीला उमेदवार मिळत नसल्याने ते आता अशा प्रकारे वेगवेगळ्या पक्षातील उमेदवार घेत आहेत. असा टोला अजित पवारांनी ठाकरे गटाला लगावला आहे.