पिंपरी-चिंचवड शहरात एक हजार ३५१ कुणबी नोंदी; ‘असे’ मिळविता येणार प्रमाणपत्र

राज्य शासनाच्या आदेशानुसार महापालिकेतील सन १९४८ ते १९६७ या आणि सन १९४८ पूर्वीच्या कालावधीतील दस्तऐवज व कागदपत्रांतील नोंदणी तपासण्यात आल्या. शिक्षण, कर आकारणी व कर संकलन, वैद्यकीय व लेखा विभागांतील या कालावधीतील उपलब्ध दस्तऐवज, कागदपत्र व नोंदी तपासल्या आहेत. वैद्यकीय विभागातील दोन हजार २२२ आणि कर संकलनमधील ११ हजार ९९३ कागदपत्रांवरील नोंदी तपासण्यात आल्या. त्यात एकही मराठा-कुणबी नोंद आढळून आलेली नाही.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

Nana Patole : निकालाआधी राजकीय घडामोडींना वेग; यातच…

विरोधकांचे ‘सोयाबीन अस्त्र’ ‘लाडक्या बहीण’चा प्रभाव रोखणार ?

रीलसाठी ओलांडली मर्यादा! तरुणीने डान्स करता करता परदेशी व्यक्तीबरोबर केलं असं काही की…, VIDEO पाहून नेटकरी संतापले

कुणबी समाजाला डावलल्याची खंत, यवतमाळात तिसरा पर्याय देण्याचा प्रयत्न

खोटी आश्वासने देऊन मतविभागणीचा काँग्रेसचा उद्योग, हरियाणाचे मुख्यमंत्री नायबसिंग सैनी यांचा आरोप

काँग्रेसची सध्याची अवस्था ‘चाची ४२०’ प्रमाणे, मुनगंटीवार यांची टीका

स्वभाव, विभाव: भीती आणि न्यूनगंडाचा फास

हेही वाचा : पिंपरी: बेकायदा आधारकार्ड सेवा केंद्राद्वारे बनावट कागदपत्रे बनवणा-या टोळीचा पर्दाफाश; दाम्पत्यासह चार जण गजाआड

शिक्षण विभागातील सर्वांधिक एक लाख २० हजार ३८७ नोंदी तपासल्या. १९४८ ते १९६७ या कालावधीतील ७७ हजार ७२६ नोंदीची तपासणी केल्यानंतर १९८ मराठा-कुणबी जातीच्या नोंदी आढळून आल्या. तर, १९४८ पूर्वीच्या कालावधीतील शिक्षण विभागातील ४२ हजार ६६१ नोंदी तपासल्या त्यापैकी एक हजार १५३ कुणबी नोंदी आढळल्या. महापालिकेने एक लाख ३४ हजार ६०२ नोंदी तपासल्या असून एक हजार ३५१ कुणबी जातीच्या नोंदी आढळून आल्या आहेत.

हेही वाचा : चीनमध्ये पिंपरी-चिंचवडचा डंका; मिळाला ‘हा’ पुरस्कार! १५ देशांच्या यादीत भारताचे नाव आणि….

कुणबी प्रमाणपत्र कसे मिळणार?

या कुणबी नोंदी गावनिहाय तयार केल्या जाणार आहेत. महापालिकेच्या संकेतस्थळावर ऑनलाइन नोंदी उपलब्ध करून दिल्या जाणार आहेत. ऑनलाइन नोंद दिसल्यानंतर नक्कल मिळण्यासाठी महापालिकेकडे लेखी अर्ज करावा लागणार आहे. नक्कल घेऊन महसूल अधिकाऱ्यांकडे कुणबी दाखल्यासाठी अर्ज करावा लागणार आहे. त्यानंतर कुणबी दाखला मिळणार आहे.

“एक लाख ३४ हजार ६०२ कागदपत्रांची तपासणी करण्यात आली. त्यापैकी एक हजार ३५१ नोंदी आढळल्या. याबाबतचा अंतिम अहवाल जिल्हाधिकाऱ्यांना सादर केला आहे. यानंतरही विभागाला अभिलेख तपासता येणार आहेत.” – अविनाश शिंदे, सहायक आयुक्त व नोडल अधिकारी, पिंपरी-चिंचवड महापालिका