‘माननीयां’ना वेळ नसल्याने पिंपरीतील यांत्रिकी पद्धतीने रस्ते सफाई रखडली

त्यांची मुदत संपल्यानंतर २०२० मध्ये १८ मीटर व त्यावरील रस्त्यांची यांत्रिकी पद्धतीने साफसफाईसाठी विभागनिहाय दर मागविण्यात आले. शहराचे दक्षिण आणि उत्तर असे दोन भाग करून चार पॅकेजमध्ये हे काम केले जाणार आहे. दक्षिण भागासाठी ३३१ किलोमीटर अंतराचे आणि उत्तर भागासाठी ३३९.१५ किलोमीटर अंतराचे मोठे रस्ते आहेत. त्यामध्ये शहरातील महामार्ग, बीआरटीएस मार्ग, १८ मीटरपेक्षा अधिक रुंदीचे रस्ते तसेच मंडई व इतर मोकळ्या जागांचा समावेश आहे. प्रत्येक भागासाठी १६ मोठी वाहने, १६ इतर वाहने आणि ५५ कर्मचारी असणार आहेत. १६ वाहनांमार्फत प्रत्येकी ४० किलो मीटर रस्ते साफ केले जाणार आहेत.

आणखी वाचा

वाटमारी करणारी टोळी जेरबंद; दहा ट्रॅक्टरसह तीन ट्रेलर हस्तगत

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

खंबाटकी बोगद्याजवळ कंटेनर, टँकरसह तीन मोटारींचा अपघात; जिवीतहानी टळली, मोटारीचे मोठे नुकसान

मुंबई नाशिक महामार्गावरील सुरक्षित प्रवासासाठी उपायांची जंत्री

रस्त्यांवरील अतिक्रमण हटविण्यासह वाहतूक सहायक नेमण्याविषयी चर्चा, आयुक्तांसह अधिकाऱ्यांची बैठक

जुन्या पुणे-मुंबई महामार्गावर वाहतूक कोंडी

ठाण्यात सीसीटिव्ही कॅमेरे बसविण्यासाठी रस्त्यांची खोदाई?

एसटी बस निविदेत घोटाळा नव्याने प्रक्रिया राबविण्याची शिफारस; मुख्यमंत्र्यांचे निर्णयाकडे लक्ष

हेही वाचा : ‘दादा कचऱ्याची गाडी येत नाही’, भरकार्यक्रमात महिलेची तक्रार, अजित पवारांनी दिलं मिश्किल उत्तर, म्हणाले…

हेही वाचा : बिबवेवाडीतील गुंडाविरुद्ध झोपडपट्टी दादा प्रतिबंधक कायद्यान्वये कारवाई; पोलीस आयुक्तांच्या आदेशाने अमरावती कारागृहात रवानगी

रस्ते सफाईची निविदा जुलै २०२२ मध्ये राबविली होती. एक वर्षापेक्षा जास्त कालावधी झाल्यानंतरही प्रत्यक्षात कामकाज सुरू झाले नाही. जूनमध्ये महापालिकेने चार एजन्सीला कार्यारंभ आदेश (वर्कऑर्डर) दिली आहे. रस्ते साफ करणारी वाहने जर्मनी आणि इटलीतून आणली आहेत. काही मोटारींच्या नोंदणीची परिवहन कार्यालयाची (आरटीओ) प्रक्रिया सुरू आहे. तसेच राज्यातील मंत्र्यांना बोलावून शहरात एक मोठा कार्यक्रम घेण्याचे महापालिकेचे नियोजन असून, मंत्र्यांची वेळ मिळाल्यानंतर हा कार्यक्रम होणार असल्याचे समजते. “महापालिकेने २७ जून रोजी कार्यारंभ आदेश दिले होते. तीन महिन्यांत म्हणजे २७ सप्टेंबरपर्यंत मशिनरी खरेदी करण्याची प्रक्रिया करून काम सुरू करणे अपेक्षित होते. परिवहन कार्यालयाकडे वाहन नोंदणीची प्रक्रिया सुरू आहे. पुढील आठवड्यात यांत्रिकी पद्धतीने रस्ते सफाईला सुरुवात होईल”, असे पिंपरी चिंचवड महापालिकेचे सहायक आयुक्त यशवंत डांगे यांनी म्हटले आहे.