मध्य प्रदेशातून गोव्यात गांजाची तस्करी करणारे गजाआड, खडकी परिसरात कारवाई; दहा किलो गांजा जप्त

पोलिसांच्या पथकाने दोघांना पकडले. त्यांच्याकडून दहा किलो गांजा जप्त केला. दोघे जण एसटी बसमधून पुण्यात आले होते. पुण्यातून ते बसने गोव्यात गांजा विक्रीसाठी घेऊन जाणार असल्याची माहिती तपासात मिळाली. दोघांनी मध्य प्रदेशातून गांजा आाणल्याचे निष्पन्न झाले. पोलीस उपायुक्त हिम्मत जाधव, सहायक आयुक्त अनुजा देशमाने यांच्या मार्गदर्शनाखाली खडकी पोलीस ठाण्याचे वरिष्ठ पोलीस निरीक्षक सतीश जगदाळे, गुन्हे शाखेचे निरीक्षक गजानन चोरमले, उपनिरीक्षक अण्णा गुंजाळ, आशिष पवार, संदेश निकाळजे, प्रताप केदारी यांनी ही कामगिरी केली.

हेही वाचा : चिंचवडमधून अजित दादांच्या शिलेदाराचे बंड शमले; नाना काटेंची निवडणुकीतून माघार

पुणे शहरात मोठ्या प्रमाणावर अमली पदार्थ तस्करी करणाऱ्यांविरुद्ध कारवाईचे आदेश पोलीस आयुक्त अमितेश कुमार यांनी दिले आहेत. गेल्या वर्षभरापासून पुणे पोलिसांनी शहराच्या वेगवेगळ्या भागात कारवाई करुन गांजा, मेफेड्रोन असे अमली पदार्थ जप्त केले. पुणे परिसरातील कुरकुंभ ओैद्योगिक वसाहतीत छापा टाकून पोलिसांनी साडेतीन हजार कोटी रुपयांचे मेफेड्रोन जप्त केले होते. पुण्यातून मेफेड्रोन दिल्ली, चंदीगड, तसेच देशभरात विक्रीसाठी पाठविण्यात आल्याचे तपासात निष्पन्न झाले होते.