“आम्ही त्याचा इव्हेंट करत नाही, माझी ५ तास चौकशी झाली…”, रोहित पवारांच्या ईडी नोटीशीवर अजित पवार म्हणाले…

पुणे : राष्ट्रवादी काँग्रेस पक्षाचे नेते आमदार रोहित पवार यांना ईडीकडून नोटीस आल्यानंतर खासदार सुप्रिया सुळे या रोहित पवारांना ईडी कार्यालयापर्यंत सोडण्यास गेल्या होत्या. रोहित पवार यांना जाणीवपूर्वक त्रास दिला जात आहे, असे आरोप प्रत्यारोप या प्रकरणावरून होण्यास सुरुवात झाली आहे. त्याबाबत अजित पवार यांना विचारले असता ते म्हणाले की, कोणी काय आरोप करावे हा ज्याचा त्याचा अधिकार आहे. चौकशी करण्याचे अधिकार असतात, ते बोलवतात आणि त्यांच्या प्रश्नांना उत्तर द्यायचे असतात. माझी पण ५ तास चौकशी झाली होती. ते मला चांगलं आठवत आहे. माझ्याकडे पण इन्कम टॅक्सचे लोकं आले होते. पण आम्ही एवढा प्रोपेगंडा करत नाही.