“हिंदूचे सरकार म्हणता आणि गणेश मंडळांवर गुन्हे दाखल करता”, मुख्यमंत्री एकनाथ शिंदेंना आमदार रवींद्र धंगेकरांचा टोला

पुणे : गणेशोत्सव, दहीहंडी या उत्सवावरील निर्बंध आम्ही हटवले असून निर्बंधमुक्त वातावरणात सण साजरे करा, असे मुख्यमंत्री एकनाथ शिंदे यांनी जाहीर केले होते. हिंदूचे सरकार अशी वल्गना करत फिरता. मग गणेशोत्सव, दहीहंडी यासह अनेक सण साजरे करणाऱ्या मंडळांच्या कार्यकर्त्यांवर पोलिस विभागामार्फत गुन्हे दाखल करण्यात आले आहेत. पोलिसांकडून कार्यकर्त्यांना अपमानास्पद वागणूक देण्यात आली आहे. त्यामुळे मागील काही दिवसांत मंडळांच्या कार्यकर्त्यांवर दाखल करण्यात आलेले गुन्हे तातडीने मागे घ्या, अशी मागणी करीत काँग्रेसचे आमदार रवींद्र धंगेकर यांनी मुख्यमंत्री एकनाथ शिंदे यांना टोला लगावला.

हेही वाचा : पुणे: मेफेड्रॉनच्या विक्रीसाठी आलेल्या चौघांना अटक; दक्षिण मुख्यालयाच्या इंटेलिजन्स युनिट आणि गुन्हे शाखेची संयुक्त कारवाई

आणखी वाचा

तुळजापुरात मैत्रीपूर्ण लढत की, आघाडीत बिघाडी? मविआचा अधिकृत उमेदवार कोण? रोचकरी की, पाटील?

१५ नोव्हेंबर पंचांग: कार्तिक पौर्णिमेला कोणाला होईल धनप्राप्ती?…

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

Sushma Andhare: ‘केलंय काम भारी’वरून अंधारेंचा हल्लाबोल, अंबरनाथच्या सभेत आमदार किणीकरांसह शिंदे गटातील गटबाजीवरही बोट

“…तेव्हा माझा एन्काऊंटर करण्याचा डाव होता”, सदाभाऊ खोत यांचा खळबळजनक आरोप!

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

दखल: बायजाबाई यांच्या कर्तृत्वाचा आढावा

“चोवीस तास उपलब्ध राहणाऱ्या आमदाराचा विचार करा”, खासदार डॉ. श्रीकांत शिंदे यांचे आवाहन

यावेळी रवींद्र धंगेकर म्हणाले की, गणेशोत्सव काळात पाच दिवस रात्री उशिरापर्यंत ध्वनिवर्धक लावण्याची परवानगी राज्य सरकारने दिली होती. पण मंडळांच्या कार्यकर्त्यांवर वेगवेगळी कलमे लावून गुन्हे दाखल करण्यात आले आहेत. ही कारवाई चुकीच्या पद्धतीने करण्यात आली आहे. ती कारवाई तातडीने थांबवावी आणि दाखल करण्यात आलेले गुन्हे मागे घ्यावेत,अशी मागणी असून लवकरच मुख्यमंत्री एकनाथ शिंदे यांना भेटून त्याबाबत चर्चा करणार आहे. त्या पार्श्वभूमीवर आज पुणे शहराचे पोलिस आयुक्त रितेश कुमार यांच्याशी सकारात्मक चर्चा देखील झाल्याचे धंगेकरांनी सांगितले.