भोसरी भूखंड गैरव्यवहार प्रकरणात माजी मंत्री एकनाथ खडसे यांना तात्पुरता दिलासा, न्यायालयाने दिला ‘हा’ आदेश

पुणे : भोसरी येथील भूखंड गैरव्यवहार प्रकरणात गुन्हा दाखल करण्यात आलेले तत्कालीन मंत्री एकनाथ खडसे यांना न्यायालयाने अंतरिम जामीन मंजूर केला. त्यामुळे खडसे यांना तात्पुरता दिलासा मिळाला आहे. भोसरी भूखंड गैरव्यवहार प्रकरणात एकनाथ खडसे यांच्याविरुद्ध लाच लुचपत प्रतिबंधक विभागाने गुन्हा दाखल केला आहे. या प्रकरणात खडसे यांच्याविरुद्ध लातूर येथील लाचलुचपत प्रतिबंधक विभागाने आरोपपत्र दाखल केले आहे. या प्रकरणात अंतरिम जामीन मिळावा म्हणून खडसे यांनी विशेष न्यायाधीश पी. पी. जाधव यांच्या न्यायालयात अर्ज दाखल केला होता. विशेष न्यायाधीश जाधव यांनी खडसे यांचा अंतरिम जामीन मंजूर केला.

हेही वाचा : एमपीएससीतर्फे विविध विभागांमध्ये मोठी भरती, अर्ज प्रक्रिया १२ डिसेंबरपासून

आणखी वाचा

राज्यपालांनी विधेयके प्रलंबित ठेवणे अयोग्य, सरन्यायाधीश चंद्रचूड यांचे मत; ‘संघ राज्यपद्धती बळकट होण्यासाठी न्यायालयांचे मोठे योगदान’

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

अग्रलेख : भामटे आणि तोतये…

आरोपीला मदत करण्यासाठी लाच मागणाऱ्या हवालदारावर कारवाई

“मराठा समाजाला धोका दिल्यास फसवणुकीचा गुन्हा दाखल करा” जरांगेंच्या आवाहनाला…

पिंपरी : पर्यटनाच्या बहाण्याने नारळ पाणी विक्रेत्याकडून खंडणीसाठी घरमालकाचे विमानाने अपहरण; बेटावर डांबले

वंचितच्या गोंधळानंतर योगेंद्र यादव म्हणाले “हा तर बाबासाहेबांच्या संविधानावर हल्ला”

बिष्णोई टोळीच्या नावे सराफ व्यावसायिकाकडे दहा कोटींची खंडणीची मागणी, पोलिसांकडून तपास सुरू

या प्रकरणात जामीन मिळवण्यासाठी खडसे यांनी बुधवारी विशेष न्यायालयात अर्ज दाखल केला. खडसे यांच्या जामीन अर्जावर तीन जानेवारी २०२४ रोजी सुनावणी होणार आहे, अशी माहिती लाख लुचपत प्रतिबंधक विभागातील अधिकाऱ्यांनी दिली. खडसे हे मंत्री असताना त्यांनी अधिकाराचा गैरवापर करून भोसरी परिसरातील महाराष्ट्र औद्योगिक विकास महामंडळाच्या (एमआयडीसी) मालकीची ४० कोटी रुपयांची जमीन पत्नी आणि सुनेच्या नावे तीन कोटी ७५ लाख रुपयांमध्ये खरेदी केल्याचा आरोप आहे. खडसे यांनी जामीन मिळविण्यासाठी अर्ज केला होता. न्यायालयाने अंतरिम जामीन मंजूर केल्यामुळे तात्पुरता दिलासा मिळाला आहे.