शेअर बाजारात गुंतवणुकीच्या आमिषाने २६ कोटी ४१ लाखांची फसवणूक, निवृत्त लष्करी जवानासह सातजणांविरुद्ध गुन्हा दाखल

याप्रकरणी निवृत्त लष्करी जवान सुरेश अण्णाप्पा गाडीवड्डार (रा. किंग्जवे सोसायटी, बी. टी. कवडे रस्ता, मूळ रा. गडहिंग्लज, जि. कोल्हापूर) याच्यासह सुभाष गाडीवड्डार, शुभांगी मोहीते, निकिता, सौरभ, गंगाधर, किरण दलाल यांच्याविरुद्ध गुन्हा दाखल करण्यात आला आहे. याबाबत प्रभात धरमपाल सिंग यांनी मुंढवा पोलीस ठाण्यात फिर्याद दिली आहे.

आणखी वाचा

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

१६ नोव्हेंबर पंचांग: कृतिका नक्षत्रात मेषला शुभ दिवस,…

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

स्वारगेट स्थानकाच्या आवारात एसटी बसच्या धडकेत प्रवासी तरुणाचा मृत्यू

बेकायदा गृहप्रकल्प राबवणाऱ्यांवर कारवाई गरजेची; विकासकांना जामीन नाकारताना उच्च न्यायालयाची टिप्पणी

सुनेला टीव्ही पाहू न देणे ही क्रूरता? मुंबई उच्च न्यायालयातील खटला २० वर्षांनी निकाली

आचारसंहिता भरारी पथकाचीच खंडणीखोरी, शेतमालाच्या पैशांवर डल्ला, १३ दिवसांनंतर गुन्हा दाखल

कल्याणमध्ये महिला पोलिसाला दिराकडून बेदम मारहाण

हेही वाचा : उद्धव ठाकरे सरकारच्या ‘त्या’ निर्णयांचा फेरविचार करा; मुख्यमंत्र्यांकडे कोणी केली मागणी?

सुरेश गाडीवड्डार याने लष्करातील नोकरी सोडली. २०२० मध्ये त्याने एस. जी. ट्रेडर्स नावाने घोरपडीतील बी.टी.कवडे रस्ता परिसरात शेअर बाजार गुंतवणुकीबाबत व्यवसाय सुरू केला. त्यााने परिचितांना शेअर बाजारात गुंतवणूक करण्यास सांगितले. लष्करातील निवृत्त जवान असल्याने गुंतवणूकदारांनी विश्वास ठेवला. लष्करातील अनेक जवानांनी गुंतवणूक केली. गुंतवणुकीवर पाच ते दहा टक्के परतावा देण्याचे आमिष दाखविले. साडेतीन वर्ष त्याने परतावाही दिला.

हेही वाचा : गुन्हे शाखेच्या उपायुक्तपदी निखील पिंगळे

त्यानंतर एप्रिलपासून परतावा देणे बंद केले. गुंतवणूकदारांनी कार्यालायत जाऊन विचारणा केली. तेव्हा तांत्रिक अडचणीमुळे परतावा सध्या मिळत नाही, असे सांगितले. जुलै महिन्यात गाडीवड्डार कार्यालय बंद करून पसार झाला. आतापर्यंत त्याने २६१ जणांची फसवणूक केली असल्याचे उघडकीस आले आहे. पोलीस निरीक्षक निळकंठ जगताप तपास करत आहेत.