कोंढव्यात एकतर्फी प्रेमातून तरुणीला घरात जाऊन मारहाण; तरुणावर गुन्हा

पोलिसांनी दिलेल्या माहितीनुसार, तक्रारदार तरुणी कोंढव्यातील उंड्री परिसरात राहायला आहे. तरुण तिच्यावर एकतर्फी प्रेम करतो. त्याने तरुणीच्या मोबाइलवर संपर्क साधून जवळीक साधण्याचा प्रयत्न केला. तरुणीने त्याला प्रतिसाद दिला नाही. त्यानंतर त्याने वेगवेगळ्या क्रमांकावरून तरुणीशी संपर्क करण्याचा प्रयत्न केला.

हेही वाचा : राज्यभर मोठी पाऊसतूट; कोकण वगळता सर्वत्र टंचाईची स्थिती, शेतकरी हवालदिल

तरुणाने तरुणीच्या वाढदिवसाला तिच्या घरी केक पाठवला. तरुणीने केक नाकारल्याने तरुण चिडला आणि तरुणी राहत असलेल्या सोसायटीतच गेला. सोसायटीतील सुरक्षारक्षकाने अंकित याच्याकडे विचारपूस केली. तेव्हा त्याने सुरक्षारक्षकाशी वाद घातला. त्यानंतर तो तरुणीच्या घरी गेला. तरुणीला मारहाण करुन तिचा विनयभंग केला. पोलीस उपनिरीक्षक पाटील तपास करत आहेत.