पुणे: फर्ग्युसन रोडवरील एल ३ लिक्विड लिजर लाऊज या पब मधील बाथरूममध्ये मुले ड्रग्स घेतानाचा व्हिडीओ काल सोशल मीडियावर व्हायरल झाल्यानंतर आज पतित पावन संघटनेच्या कार्यकर्त्यांनी पबवर दगडफेक करत तोडफोड केली. पुण्यातील फर्ग्युसन रोडवरील एल ३ लिक्विड लिजर लाऊज या पब मधील बाथरूममध्ये मुले ड्रग्स घेतानाचा व्हिडीओ काल सोशल मीडियावर व्हायरल झाल्यानंतर, राज्यातील विरोधी पक्षातील नेते मंडळी आक्रमक झाले असून त्या प्रकरणी अधिकार्‍यांवर कारवाईची मागणी करण्यात येत आहे. त्या पार्श्वभूमीवर शिवाजीनगर पोलिस स्टेशनचे पोलीस निरिक्षक (गुन्हे) अनिल माने, सहायक पोलीस निरिक्षक दिनेश पाटील आणि दोन बीट मार्शल यांना निलंबित करण्यात येत असल्याचे आदेश पोलिस आयुक्त अमितेशकुमार यांनी काढले आहे.
हेही वाचा : Video: पिंपरी- चिंचवडमध्ये रिल्स बनवत वाहनांची तोडफोड; दोन अल्पवयीन पोलिसांच्या ताब्यात
तर राज्य उत्पादन शुल्क विभाग आणि पुणे पोलिसांनी एल ३ लिक्विड लिजर लाऊज हे पब सील करत या प्रकरणी रवी माहेश्वरी, उत्कर्ष देशमाने, योगेंद्र गिरासे, मानस मलिक, अक्षय कामठे यांसह अन्य तिघांना असे एकूण आठ जणांना अटक केली आहे. तसेच या पार्टीत सहभागी झालेल्या तरुणांची देखील पोलिसांकडून चौकशी करण्यात येणार आहे.
पुण्यातील फर्ग्युसन रोडवरील एल ३ लिक्विड लिजर लाऊज या पब मधील बाथरूम मध्ये मुले ड्रग्स घेतानाचा व्हिडीओ काल सोशल मीडियावर व्हायरल झाल्यानंतर, आज पतीत पावन संघटनेच्या कार्यकर्त्यांनी पबवर दगडफेक करीत तोडफोड केली. pic.twitter.com/6wQJU8JXZS
— LoksattaLive (@LoksattaLive) June 24, 2024
या सर्व घडामोडी दरम्यान पतित पावन संघटनेच्या पाच ते सहा कार्यकर्त्यांनी दुपारी एक वाजण्याच्या सुमारास एल ३ लिक्विड लिजर लाऊज या पबवर दगडफेक करीत तोडफोड केल्याची घटना घडली आहे.
