पिंपरी : मुळा आणि पवना नदीला पूर आल्यानंतर नदीकाठच्या रहिवाशांना दर वर्षी स्थलांतरित व्हावे लागते. या संकटातून बाहेर काढण्यासाठी सुरक्षित जागेत कायमस्वरूपी पुनर्वसन करण्याचा तोडगा काढण्याचे आश्वासन मुख्यमंत्री एकनाथ शिंदे यांनी पूरग्रस्तांना दिले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
पिंपरी-चिंचवड शहरातून वाहणाऱ्या पवना, इंद्रायणी आणि मुळा नदीला पूर आल्याने मधुबन, मुळानगरसह नदीकाठच्या एक हजारहून अधिक रहिवाशांचे स्थलांतर करण्यात आले आहे. पुण्यश्लोक अहिल्यादेवी होळकर शाळेतील निवारा केंद्रात स्थलांतरित केलेल्या कुटुंबांची मुख्यमंत्री शिंदे यांनी सोमवारी (५ ऑगस्ट) भेट घेतली. पूरग्रस्त भागाची पाहणी केली. विधान परिषदेच्या उपसभापती नीलम गोऱ्हे, खासदार श्रीरंग बारणे, आमदार अश्विनी जगताप, महापालिका आयुक्त शेखर सिंह, भाजप शहराध्यक्ष शंकर जगताप, माजी महापौर उषा ढोरे या वेळी उपस्थित होते.
हेही वाचा : पिंपरी-चिंचवडमध्ये मुसळधार पाऊस; मोरया गोसावी गणपती मंदिरात शिरले पाणी |Pimpri-Chinchwad
मुख्यमंत्री शिंदे यांनी पूरग्रस्तांशी संवाद साधला. दर वर्षी पावसाळ्यात घरात पाणी जाते का, किती लोकांचे स्थलांतर झाले, महापालिकेकडून जेवणासह सर्व सोयी-सुविधा मिळतात का, याची चौकशी केली. या संकटाचा सामना करण्यासाठी काय उपाययोजना केल्या पाहिजेत, तुमचे म्हणणे काय, अशी विचारणा केली. त्यावर काहींनी सीमाभिंत बांधण्याचे सुचविले, तर काहींनी पुनवर्सनाची मागणी केली. पूरपरिस्थितीमुळे दर वर्षी स्थलांतरित व्हावे लागत असलेल्या या संकटातून बाहेर काढण्यासाठी सुरक्षित जागेत कायमस्वरूपी पुनर्वसन करण्याचा तोडगा काढण्याचे आश्वासन मुख्यमंत्री शिंदे यांनी दिले.
आरोग्य विभागाच्या कामाचा आढावा
मुख्यमंत्री शिंदे यांनी आरोग्य वैद्यकीय अधिकारी डॉ. लक्ष्मण गोफणे यांच्याशी चर्चा केली. कोणकोणत्या वैद्यकीय सुविधा दिल्या आहेत, औषधांची कमतरता आहे का, जलजन्य आजारांची परिस्थिती काय आहे, पूरग्रस्त भागातील रहिवाशांची वैद्यकीय तपासणी केली आहे का, याची माहिती घेतली.
हेही वाचा : पिंपरी- चिंचवड शहरात दोन हजारांपेक्षा जास्त खड्डे; शरद पवार गटाचे अनोखे आंदोलन
खड्डे बुजविण्यासाठी प्रशासनाची धावपळ
मुख्यमंत्री शिंदे यांच्या दौऱ्यापूर्वी सांगवीतील खड्डे बुजविण्यासाठी महापालिका प्रशासनाची धावपळ उडाली. मुख्यमंत्र्यांना खड्डे दिसू नयेत यासाठी पुण्यश्लोक अहिल्यादेवी होळकर शाळा परिसरातील खड्डे दुरुस्त केले गेले. खडी, मुरुम, माती टाकून रस्ते बुजविले.
पिंपरी-चिंचवड शहरातून वाहणाऱ्या पवना, इंद्रायणी आणि मुळा नदीला पूर आल्याने मधुबन, मुळानगरसह नदीकाठच्या एक हजारहून अधिक रहिवाशांचे स्थलांतर करण्यात आले आहे. पुण्यश्लोक अहिल्यादेवी होळकर शाळेतील निवारा केंद्रात स्थलांतरित केलेल्या कुटुंबांची मुख्यमंत्री शिंदे यांनी सोमवारी (५ ऑगस्ट) भेट घेतली. पूरग्रस्त भागाची पाहणी केली. विधान परिषदेच्या उपसभापती नीलम गोऱ्हे, खासदार श्रीरंग बारणे, आमदार अश्विनी जगताप, महापालिका आयुक्त शेखर सिंह, भाजप शहराध्यक्ष शंकर जगताप, माजी महापौर उषा ढोरे या वेळी उपस्थित होते.
हेही वाचा : पिंपरी-चिंचवडमध्ये मुसळधार पाऊस; मोरया गोसावी गणपती मंदिरात शिरले पाणी |Pimpri-Chinchwad
मुख्यमंत्री शिंदे यांनी पूरग्रस्तांशी संवाद साधला. दर वर्षी पावसाळ्यात घरात पाणी जाते का, किती लोकांचे स्थलांतर झाले, महापालिकेकडून जेवणासह सर्व सोयी-सुविधा मिळतात का, याची चौकशी केली. या संकटाचा सामना करण्यासाठी काय उपाययोजना केल्या पाहिजेत, तुमचे म्हणणे काय, अशी विचारणा केली. त्यावर काहींनी सीमाभिंत बांधण्याचे सुचविले, तर काहींनी पुनवर्सनाची मागणी केली. पूरपरिस्थितीमुळे दर वर्षी स्थलांतरित व्हावे लागत असलेल्या या संकटातून बाहेर काढण्यासाठी सुरक्षित जागेत कायमस्वरूपी पुनर्वसन करण्याचा तोडगा काढण्याचे आश्वासन मुख्यमंत्री शिंदे यांनी दिले.
आरोग्य विभागाच्या कामाचा आढावा
मुख्यमंत्री शिंदे यांनी आरोग्य वैद्यकीय अधिकारी डॉ. लक्ष्मण गोफणे यांच्याशी चर्चा केली. कोणकोणत्या वैद्यकीय सुविधा दिल्या आहेत, औषधांची कमतरता आहे का, जलजन्य आजारांची परिस्थिती काय आहे, पूरग्रस्त भागातील रहिवाशांची वैद्यकीय तपासणी केली आहे का, याची माहिती घेतली.
हेही वाचा : पिंपरी- चिंचवड शहरात दोन हजारांपेक्षा जास्त खड्डे; शरद पवार गटाचे अनोखे आंदोलन
खड्डे बुजविण्यासाठी प्रशासनाची धावपळ
मुख्यमंत्री शिंदे यांच्या दौऱ्यापूर्वी सांगवीतील खड्डे बुजविण्यासाठी महापालिका प्रशासनाची धावपळ उडाली. मुख्यमंत्र्यांना खड्डे दिसू नयेत यासाठी पुण्यश्लोक अहिल्यादेवी होळकर शाळा परिसरातील खड्डे दुरुस्त केले गेले. खडी, मुरुम, माती टाकून रस्ते बुजविले.
