पराभवाच्या भीतीने आणि नैराश्यातून रवींद्र धंगेकरांचे आरोप सुरू – रुपाली चाकणकर

त्या आरोपावर रुपाली चाकणकर म्हणाल्या की, राज्यभरात महायुतीने जनाधार असलेले उमेदवार दिले आहेत. त्यामुळे उमेदवारी जाहीर झाल्यापासून विरोधक आमच्या उमेदवारावर आरोप करीत आलेले आहेत. आमचे सर्व उमेदवार चांगल्या मताधिक्याने निवडून तर येतीलच, त्या विजयी उमेदवारांमध्ये पुणे लोकसभेचे महायुतीचे उमेदवार मुरलीधर मोहोळ हे देखील असणार आहेत. मुरलीधर मोहोळ यांनी करोना काळात शहरातील प्रत्येक नागरिकांसाठी काम केले आहे. त्यामुळे त्यांच्या पाठीशी नागरिक उभे राहतील आणि मुरलीधर मोहोळ हे एक लाख मताधिक्याने निवडून येतील असा विश्वास त्यांनी यावेळी व्यक्त केला.

हेही वाचा : पुण्यात मतदानाचा टक्का वाढला; शिरूर, मावळमध्ये झाली घट

तसेच त्या पुढे म्हणाल्या की, प्रतिस्पर्धी असलेले उमेदवार (रवींद्र धंगेकर) हे कालपासून आरोप करीत आहेत की, पैशांचे मोठ्या प्रमाणावर वाटप केले जात आहे. तर आज अनेक ठिकाणी मशीन बंद पडल्या असल्याचे आरोप त्यांनी केले आहेत. हे सर्व आरोप रवींद्र धंगेकर यांचे पाहिल्यावर एकचं वाटतं ते म्हणजे पराभवाच्या भीतीने आणि नैराश्यातून आरोप सुरू असल्याचे सांगत रवींद्र धंगेकर यांच्यावर त्यांनी टीका केली.