पुणे : राज्याचे उपमुख्यमंत्री तथा पुण्याचे पालकमंत्री अजित पवारांना उद्धव ठाकरे गटाने दे धक्का दिला आहे. राष्ट्रवादी अजित पवार गटाचे आमदार दिलीप मोहिते यांचे चुलत पुतणे शैलेश मोहिते यांनी आदित्य ठाकरे यांच्या उपस्थितीत तळेगाव येथे शिवबंधन बांधले. यावेळी आमदार सचिन अहिर, मावळचे संघटक संजोग वाघेरे, अमोल पवार, बाळासाहेब फाटक, आशिष ठोंबरे आदी पदाधिकारी उपस्थित होते. शैलेश मोहिते यांनी माजी सरचिटणीस, महाराष्ट्र राज्य राष्ट्रवादी युवक काँग्रेस आणि माजी उपाध्यक्ष, महाराष्ट्र राज्य राष्ट्रवादी युवक काँग्रेस अशी पदे भूषविली आहेत.
हेही वाचा : “देवेंद्र फडणवीस आणि जिमचा काही संबंध नाही”, आदित्य ठाकरेंचा फडणवीस यांना टोला
अजित पवारांच्या राष्ट्रवादी काँग्रेसला खेड राजगुरूनगरमध्ये उद्धव ठाकरे यांनी धक्का दिला. शैलेश मोहिते यांच्यासह शेकडो कार्यकर्त्यांनी उद्धव ठाकरेंच्या पक्षात प्रवेश केला. यापूर्वी पिंपरी- चिंचवडमधील अजित पवारांचे निकटवर्तीय आणि माजी महापौर संजोग वाघेरे यांनाही उद्धव ठाकरेंनी स्वतःकडे खेचलं होतं. मावळ लोकसभेत वाघरेंच्या रूपाने तर आता शिरूर लोकसभेत शैलेश मोहितेंच्या रूपाने ठाकरेंनी अजित पवारांना धक्का दिला आहे.
हेही वाचा : मराठा मोर्चासाठी कडक बंदोबस्त; एक हजार पोलिसांसह दंगलनियंत्रक पथक तैनात
शैलेश शिवाजीराव मोहिते पाटील कोण आहेत?
- आमदार दिलीप मोहितेंचे चुलत पुतणे
- माजी सरचिटणीस, महाराष्ट्र राज्य राष्ट्रवादी युवक काँग्रेस</li>
- माजी उपाध्यक्ष, महाराष्ट्र राज्य राष्ट्रवादी युवक काँग्रेस
- माजी राष्ट्रीय सरचिटणीस, राष्ट्रवादी युवक काँग्रेस
- निरीक्षक- उत्तराखंड, झारखंड, छ्तीसगड, लक्षद्वीप
