पुण्यातील जागेवरून महायुतीत वादाची ठिणगी? शिंदे मुख्यमंत्री असतानाच्या काळातील व्यवहार थांबविण्याची भाजपच्या माजी पदाधिकाऱ्यांची मागणी

‘कर्करोग रुग्णालय उभारण्याचा प्रस्ताव तयार झाला असून, तो मंत्रिमंडळाच्या मान्यतेसाठी ठेवण्यात येणार असल्याचे, वैद्यकीय शिक्षण विभागाचे सचिव धीरज कुमार यांनी ससून रुग्णालयाच्या पाहणीच्या वेळी जाहीर केले होते. ससून रुग्णालय, जिल्हाधिकारी कार्यालय, मध्यवर्ती इमारत, बी. जे. वैद्यकीय महाविद्यालय, फोटो झिंको, पोलीस आयुक्तालय आणि जिल्हा परिषद आदी महत्त्वाची शासकीय आणि निमशासकीय कार्यालये या भूखंडाच्या जवळ आहेत. सद्यस्थितीत पश्चिम महाराष्ट्र आणि पुण्यात कर्करोग उपचारांसाठी एकही शासकीय रुग्णालय नाही. त्यामुळे या जागेवर ते उभारण्यासाठी पोटभाडेकरार रद्द करून हा भूखंड कर्करोग रुग्णालयासाठी द्यावा,’ अशी मागणी केसकर आणि कुलकर्णी यांनी पत्राद्वारे मुख्यमंत्री फडणवीस यांच्याकडे केली आहे.

ही जागा कर्करोग रुग्णालयासाठी देण्याचे नियोजित आहे. भुयारी मार्ग किंवा पूल बांधल्यानंतर ससून समोरची जागा चांगल्या प्रकारे जोडली जाईल. त्यामुळे या जागेचा व्यवहार थांबवावा आणि जागा कर्करोग रुग्णालयासाठी द्यावी.

उज्ज्वल केसकर, माजी विरोधी पक्षनेते, भाजप, पुणे महापालिका

मुंबईतून निर्णय

महाराष्ट्र राज्य रस्ते विकास महामंडळाने बांधकाम व्यावसायिकाबरोबर हा करार केला आहे. मात्र, तो मुंबई येथील मुख्य कार्यालयातून झाल्याची माहिती पुण्याच्या कार्यालयातील अधिकाऱ्यांकडून देण्यात आली. जमीन आणि व्यवहार विभागाकडून करार करण्यात आला आहे. पुणे कार्यालयाकडून कोणताही निर्णय झालेला नाही, असा दावाही करण्यात आला.