सनसिटी-कर्वेनगर उड्डाणपुलाचे काम रखडले! सिंहगड रस्त्यावरील वाहतूक कोंडी कायम

कोथरूड, कर्वेनगर आणि सिंहगड रस्ता दरम्यानच्या राजाराम पुलावरील वाहतूक कोंडी कमी करण्यासाठी महापालिकेच्या माध्यमातून सिंहगड रस्ता सनसिटी येथून कर्वेनगरपर्यंत पूल प्रस्तावित आहे. महापालिकेच्या अंदाजपत्रकातही यासाठी तरतूद करण्यात आली आहे. उड्डाणपुलामुळे सिंहगड रस्ता आणि कर्वेनगर ही दोन उपनगरे काही मिनिटांत एकमेकांशी जोडली जाणार आहेत. या उड्डाणपुलासाठी महापालिकेने ३७ कोटींच्या खर्चाचा आराखडा केला असून, त्यासाठी निविदा प्रक्रिया राबविली होती.

आणखी वाचा

पुणे : सोलापूर रस्त्यावरील वाहतूक कोंडी कमी होणार? फातिमानगर चौकातील सिग्नल बंद

२२ ऑक्टोबर पंचांग: जन्मराशीनुसार आज कर्तुत्वाला मिळेल चांगला…

डोंबिवलीत रस्त्यावर गॅस सिलिंडरचा वापर करणाऱ्या विक्रेत्यावर कारवाई

पाण्यासाठी आता भाजपच्या माजी नगरसेवकांचेही आंदोलन; माहीम आणि मुलुंडमध्ये धरणे

वसई : वाहन विक्रेते व गॅरेज वाल्यांकडून रस्ते गिळंकृत, रस्त्यावरच वाहन विक्रीचा बाजार व दुरुस्ती; वाहतुकीला अडथळे

‘मेट्रो ३’ स्थानकाबाहेरील काही वृक्ष उन्मळून पडल्याने पर्यावरणप्रेमींचा आरोप

डोंबिवलीतील मोठागाव रेल्वे फाटकावरील पुलाच्या पोहच रस्त्याने बाधितांच्या पुनर्वसनासाठी ८४ कोटींचा प्रस्ताव

कल्याणमधील दुर्गाडी किल्ल्याजवळील ४० फुटी रस्त्यावरील २२ अतिक्रमणे जमीनदोस्त,भटाळे तलाव बुजवून उभारली होती बेकायदा बांधकामे

हेही वाचा : ससूनमध्ये पुन्हा तोच खेळ! महिनाभरात तिसऱ्या अधीक्षकाची नियुक्ती

सिंहगड रस्त्यावरील राजाराम पूल ते फनटाइम चित्रपटगृह या दरम्यान उड्डाणपुलाचे भूमिपूजन झाल्यानंतर सनसिटी-कर्वेनगर पुलासाठी आवश्यक भूसंपादनाची रखडलेली प्रक्रिया महापालिका प्रशानसाकडून सुरू करण्यात आली होती. खासगी जागामालकांनीही त्याला सकारात्मक प्रतिसाद दिला होता. भूसंपादनाची प्रक्रिया पूर्ण झाल्यानंतर महापालिकेने कामाची निविदा प्रक्रिया राबविली होती. त्याला स्थायी समितीच्या ३ मे रोजीच्या बैठकीत मंजुरी देण्यात आली होती. मात्र, त्यानंतर काम मिळालेली कंपनी दिवाळखोरीत गेल्याचे स्पष्ट झाल्याने महापालिका प्रशासनाकडून फेरनिविदा राबविण्यात आली. त्यानुसार विजय पटेल यांच्या कंपनीला उड्डाणपुलाचे काम देण्यात आले आहे.

हेही वाचा : पुणे मेट्रो निगडीपर्यंत सुसाट! स्वारगेट ते कात्रज मेट्रोला मात्र ब्रेक

मात्र अद्यापही काम सुरू झालेले नसल्याची वस्तुसथिती आहे. त्यामुळे सिंहगड रस्त्यावरील वाहतुकीचा भार कायम राहिला असून, उड्डाणपुलाचे काम तातडीने सुरू करावे, अशी मागणी वाहनचालकांकडून होत आहे. प्रस्तावित पुलामुळे सिंहगड रोड, कोथरूड आणि कर्वेनगरमधील वाहतूक कोंडीचा प्रश्न सुटण्यास मदत होणार आहे. काही दिवसांपूर्वी कोथरूडचे आमदार, मंत्री चंद्रकांत पाटील यांनी उड्डाणपुलाच्या कामासंदर्भात महापालिका आयुक्त, प्रशासक विक्रम कुमार यांची भेट घेतली होती. उड्डाणपुलाच्या कामाला गती द्यावी, अशी मागणी त्यांनी केली होती.

हेही वाचा : पिंपरीत क्षेत्रीय कार्यालयांतर्गत गणेशमूर्ती संकलन केंद्र

३० मीटर रुंदीचा उड्डाणपूल

जोडरस्त्यासह ३५० मीटर लांबीचा आणि ३० मीटर रुंदीचा हा उड्डाणपूल असून, त्याचे काम चोवीस महिन्यांत पूर्ण करण्याचे नियोजित आहे. सिंहगड रस्ता, कोथरूड आणि कर्वेनगर या दरम्यानच्या राजाराम पुलावरील वाहतूक कोंडी सोडविण्यासाठी हा उड्डाणपूल उपयुक्त ठरणार आहे. उड्डाणपूल उतरण्याच्या ठिकाणची जागा खासगी असल्याने भूसंपादन रखडले होते. मात्र, खासगी जागामालकांनी जागा देण्याची तयारी दर्शविली होती. त्यानसुार सध्या ९५ टक्के जागा महापालिकेच्या ताब्यात आली आहे. उर्वरित जागेचे भूसंपादन करण्यासाठी साडेसात कोटींची तरतूद महापालिकेने केली आहे. या खर्चालाही महापालिकेने मान्यता दिली आहे.